Oblystyq dene shynyqtyru jáne sport basqarmasynyń baspasóz qyzmetí habarlauynsha, batysqazaqstandyq sportshy Rınat Qalmıyarov bochchadan Qazaqstan chempıony atandy, – dep habarlaıdy aqshamnews.kz tílshísí.
Sportshy baq synaǵan el bírínshílígí Astana qalasynda shíldeníń úshí men altysy aralyǵynda óttí. Qazaqstan chempıonatynda 16 óńírdíń sportshylary baq synady. Jarys elordanyń Inklyuzıvtí sport ortalyǵynda ūıymdastyryldy.
— Batys Qazaqstan oblysynyń sportshysy Rınat Qalmıyarov VS3 sanatynda úzdík nátıje kórsetíp, Qazaqstan chempıony atandy! Ramp-operatory Janserík Qalmıyarov boldy. Jerlesímízdí aıtuly jeńísímen shyn júrekten qūttyqtaımyz. Aldaǵy jarystarda da tolaǵaı tabystar men jarqyn jeńíster tíleımíz, – dep habarlady oblystyq dene shynyqtyru jáne sport basqarmasy.
Bochcha – qımyl-qozǵalysy shekteulí sportshylarǵa arnalǵan dáldíkke negízdelgen paralımpıadalyq sport túrí. Oıyn barysynda qatysushylar bylǵary doptardy nysana dopqa barynsha jaqyn ornalastyruǵa tyrysady. Atalmysh sport túrí Paralımpıada oıyndarynyń resmı baǵdarlamasyna engen.