Almatyda qaterlí ísíktí erterek anyqtaı bastady, – dep habarlaıdy aqshamnews.kz tílshísí.
Almatynyń qalalyq emhanalarynda skrınıngtík tekserudí qolǵa alǵannyń arqasynda onkologıyalyq aurudy erte anyqtaı bastady. Bıylǵy tórt aıda mamandar onkologıyamen auyrǵan 1962 adamdy tapqan. Olardyń basym bólígí I–II satysynda anyqtalypty. Óńírlík kommunıkatsıyalar qyzmetíníń alańynda ótken baspasóz máslıhatynda Almaty onkologıyalyq ortalyǵy dırektorynyń orynbasary Janna Qojaeva onkologıyalyq kómek pen osy qaterlí ísíktíń aldyn alu barysy turaly jan-jaqty tarqatyp aıtty.
Onyń aıtuynsha, aurudy erte anyqtau nauqastyń sátímen emdelíp, sauyǵyp ketu múmkíndígín edáuír arttyrady eken.
«Auruy anyqtalǵandar sanynyń artuy aurushańdyq óstí degen sóz emes. Būl Almatyda skrınıngtík jūmystyń tıímdí júrgízílíp jatqanyn, aurudy erterek anyqtauǵa múmkíndík bar ekenín bíldíredí», – dedí Janna Qojaeva.
Qalada eń kóp taralǵan onkologıyalyq auru túríníń qatarynda sút bezí obyry tūr. Ol anyqtalǵandardyń 17,1%-yn, kolorektaldy obyr – 10,5%-yn, qalqansha bezí obyry – 5,7%-y men ókpe obyry – 5,5%-yn qūraıdy.
Almatyda skrınıngtík baǵdarlama men jatyr moıny obyrynyń aldyn aluǵa erekshe kóńíl bólíníp otyr. Onyń íshínde adam papıllomasy vırusyna (HPV) qarsy vaktsınatsıya máselesí de qamtylǵan. Spıkerdíń aıtuynsha, búgínde áıelder arasyndaǵy onkologıyalyq aurudyń taraluyn azaıtudyń eń negízgí tóte joly – profılaktıka men aurudy erte bastan anyqtau bolyp otyr.
Tórt aı íshínde 50 myńnan astam áıel jatyr moıny obyrynan, sút bezí obyrynan 73 myńnan astam adam, shamamen 82 myń adam kolorektaldy obyrdyń bar-joǵyn teksergen.
Skrınıng nátıjesínde 175 onkologıyalyq auru tabylyp, olardyń basym bólígín erterek anyqtaǵan. Qaterlí ísíkterdí 0–I satysynda erte anyqtau kórsetkíshí 44,6%-dy qūrady. Sonymen qatar kózge kórínetín III–IV satydaǵy asqynǵan qaterlí ísík túrleríníń kórsetkíshí 5,6%-ǵa deıín tómendeptí.
Onkologıyalyq ortalyqtyń málímetínshe, Almatyda qazír 37 766 onkologıyalyq nauqas dıspanserlík esepte tūr eken. Ár besínshí nauqas arnauly medıtsınalyq kómek alu úshín elímízdíń basqa óńírínen kelíptí.
Bıylǵy tórt aıda Almatyǵa basqa óńírden 372 onkologıyalyq nauqas kelgen. Onyń íshíndegí 95 adam auruyn asqyndyryp alyp dárígerge qaralypty.
«Būl patsıentterdíń bízdíń mamandar men kórsetíletín medıtsınalyq kómektíń sapasyna sením bíldíretínín kórsetedí», – dep atap óttí spıker.
Osy uaqytta Almaty onkologıyalyq ortalyǵynda 9449 patsıent em qabyldaǵan. 928 ota jasalyp, olardyń jartysynan kóbí az ınvazıvtí ádístermen oryndalǵan.
Sondaı-aq ortalyqta dárílík jáne sáulelík terapıya baǵyttary damytylyp keledí. Hımıoterapıyalyq emdí 8256 patsıent alǵan, taǵy 6844 adam qajettí dárí-dármekpen ambulatorıyalyq túrde qamtamasyz etílgen. Sáulelík terapıyadan 333 patsıent ótken.
Janna Qojaevanyń aıtuynsha, aurudy erte anyqtau men zamandyq emdeu ádísteríníń arqasynda Almatyda qaterlí ísíkten bolatyn ólím-jítím kórsetkíshí tómendep jatyr. Bıylǵy tórt aıda būl 3,6%-ǵa azaıǵan.