Kúz kelíp kezektí oqu mausymy bastaldy. Barlyq óńírlerde Bílím kúní merekesín atap ótíp jatyr. Osy oraıda men barlyq súıkímdí búldírshínderímízdí shyn júrekten bílím kúnímen qūttyqtaımyn! Osy quanyshty sátpen bírge Assambleyasynyń «Jomart jan» jobasy men «Mektepke jol» aktsıyasy ayasynda Qazaqstan kúrdteríníń «Barbang» assotsıatsıyasy atqarǵan bírqatar ıgí íster jaıly qysqasha bólísudí jón kórdím.
Alǵashqy shara 17 shílde kúní Jambyl oblysynyń Qaratau audanyna qarasty Qasqabūlaq auylynda óttí. Balalarǵa arnap kontsert ūıymdastyrylyp, mektep sómkelerí men kerek-jaraqtar syıǵa taratyldy.
Osy ıgí bastama Jambyl oblysynyń Grodekovo men Jas Órken auyldarynda jáne Taraz qalasynda jalǵasty.
Aıryqsha atap ótkím keletíní – Shu qalasyna sómke men keńse tauarlaryn jetkízíp, balalarǵa taratu ísín ózím tíkeleı ūıymdastyrdym.
26 tamyz kúní Almaty qalasyndaǵy Dostyq úıínde Qazaqstan kúrdteríníń «Barbang» assotsıatsıyasy men Respublıkalyq Dostyq úıí bírlesíp «Mektepke jol» aktsıyasyn ótkízdí. Shara barysynda balalarǵa syılyqtar berílíp, arnaıy dastarqan jaıyldy.
Almaty oblysynda da būl dástúr jalǵasyn tauyp Esík qalasy men Boraldaı, Besaǵash, Qarabūlaq, Túımebaev auyldarynda búldírshínderge oqu qūraldary tartu etíldí.
Almaty qalasynda būl aktsıya Assambleyasynyń qalalyq qūrylymdarymen bírlesíp qana emes, jeke bastamalarymyz arqyly da júzege asty. 28 tamyz kúní Assambleya qūrylymdarymen bírge Almaty qalasyndaǵy №207 mektepte «Mektepke jol» sharasy óttí.
Būl jıynǵa Almaty qalasy Aqsaqaldar keńesíníń tóraǵasy Bolat Ospanov, Qazaqstan ūıǵyrlarynyń respublıkalyq etnomádenı ortalyǵynyń tóraǵasy Dolkutnaı Alıev, Almaty qalalyq ózbek etnomádenı ortalyǵy tóraǵasynyń orynbasary Abduhalıl Uralbaev jáne «Assambleya jastary» RQB Almaty qalalyq ókíldígíníń tóraǵa orynbasary Mohammedsaruar Omar qatysty.
Shara barysynda kóptegen otbasylarǵa qarjylaı kómek kórsetíldí. Keıbír janūyalarǵa mektep formasy men qystyq kıímder syıǵa tartyldy.
Qazaqstan kúrdteríníń «Barbang» assotsıatsıyasy jyl saıyn Assambleyamen bírge balalar men olardyń otbasyna qoldau kórsetíp keledí. Būl – árbír balanyń bílím alu jolynda teń múmkíndíkke ıe boluyna jasalǵan naqty qadam. Óıtkení balalar – bolashaq, bízdíń eń asyl armanymyz ben úlken úmítímízdíń ıelerí.