Olardyń qatarynda kızılnık, puzyreplodnık, deren, bóríqaraqat pen spıreya bar, dep habarlaıdy aqshamnews.kz tílshísí.
Prezıdent Qasym-Jomart Toqaev tazalyqtyń ūlttyq standartyn ázírleudí tapsyryp, «Taza Qazaqstan» bír rettík ekologıyalyq aktsıya emes, kúndelíktí daǵdyǵa aınaluy kerektígín aıtty. Memleket basshysy tazalyq ár adamnyń ózínen bastalatynyn, al abattandyru men qorshaǵan ortaǵa ūqypty qarau tūraqty mínez-qūlyq normasyna aınaluy tıís ekenín atap kórsettí.
Almatyda būl míndet bírneshe baǵyt boıynsha júzege asyp jatyr. Qalada aumaqty tazalauǵa ǵana emes, kógaldandyruǵa, kóshet ósíruge arnalǵan jeke ınfraqūrylym qalyptastyruǵa, jasyl jelekke kútím jasap, qala tūrǵyndarynyń ekologıyalyq daǵdysyn qalyptastyruǵa basymdyq beríle bastady. Egílgen aǵash pen būtalardyń jersíníp, keıínnen qalanyń tūraqty ekojúıesín qalyptastyruyna erekshe kóńíl bólíníp jatyr.
Bıyl Almaty qalasynyń Ekologıya basqarmasy shamamen 500 myń būta men 6,5 myńǵa juyq írí aǵash ektí. Ósímdíktí tańdau kezínde qalalyq ortanyń erekshelígí men klımaty da eskeríledí. Jıí qoldanylatyn ósímdíktíń qatarynda kızılnık, puzyreplodnık, deren, bóríqaraqat pen spıreya bar. 2030 jylǵa deıín Almatyda mıllıonnan astam aǵash ekpek oıda.
Almaty ákímí Darhan Satybaldynyń aıtuynsha, negízgí míndettíń bírí – qalanyń bír kezdegí kóke oranǵan kelbetín qaıtaru. Onyń sózínshe, būl tek aǵash egu kólemín arttyrumen shektelmeıdí. Ósímdík dūrys tańdalyp, olardyń jersínuí men keıíngí kútímíne de qaty kóńíl bólu qajet.
«Qazír qalany qaıtadan gúldengen qala-baqqa aınaldyruymyz kerek. Memleket basshysy būl máselege erekshe kóńíl bólíp otyr. Árıne, naǵyz kókke oranǵan qalanyń bastapqy kelbetín qalpyna keltíru úshín olardyń jersíníp, ósímdíktíń túrín dūrys tańdap, dūrys kúte bíluímíz de kerek. Sondyqtan bíz kóshet materıalymen qamtamasyz etetín qalalyq pıtomnıkter jelísín qūryp jatyrmyz», – dep tolyqtyrdy sózín Darhan Satybaldy.
Jūmystyń taǵy bír baǵyty – ekologıyalyq aǵartu. Eco Network jobasynyń negízín qalaushy, ekoaktıvıst Evgenıı Muhamedjanovtyń píkírínshe, tek senbílík ótkízu arqyly adamdardyń qorshaǵan ortaǵa degen kózqarasyn ózgerte almaımyz. Onyń aıtuynsha, «Taza Qazaqstan» kúndelíktí ádettíń ózgeruíne yqpal etíp, būl jūmysty bala kezden bastau qajet eken.
Jaqynda júrgízílgen saualnamaǵa sáıkes, senbílíkke qatysushylardyń 90 paıyzdan astamy tūraqty túrde ekologıyalyq ómír saltyn ūstanbaıdy. Sondyqtan sarapshy balalardyń boıynda qajettí daǵdyny qalyptastyru, sonyń íshínde qaldyqty sūryptauǵa úıretu, resurstardy tūtynuǵa jauapkershílíkpen qarap, qorshaǵan ortaǵa ūqypty qarau kerek ekenín aıtty.
Osyndaı jobanyń bírí – GREEN UP – qazírdíń ózínde Almaty mektepterínde júzege asa bastady. Aldaǵy uaqytta ony elímízdíń basqa óńíríne de taratu josparlanyp otyr.
«Memleket basshysymen kezdeskennen keıíngí ekí jyl íshínde barlyq qajettí qūraldy ázírledík. Bízde eko-habtar, eko-traktar, mobıldí qosymshalar men basqa da qūraldar bar. Yaǵnı memlekettík qarajatty tartpaı-aq, mádenıettí tsıfrlandyru men engízudíń tolyq keshenín qūrdyq. Túrkístan oblysynyń Sozaq audanyndaǵy auyl mektepterínde baǵdarlamany engízemíz. Mūndaı joba elímízde būryn-sońdy bolmaǵan. Bízge deıín eshkím jasamaǵan dúnıení jasap jatyrmyz. Endí prezıdenttíń aıtqan bastamasyn qoldap, onyń tapsyrmasyn oryndauǵa múmkíndík bar», – dedí Evgenıı Muhamedjanov.
Sonymen qatar Almatydaǵy kógaldandyru jūmysy ūzaq merzímdí míndet retínde qarastyrylady. Aǵash pen būta egumen qatar, qalada kóshet materıalynyń jeke bazasy qalyptasady. Būl kógaldandyru jūmysyn júıelí túrde júrgízíp, ósímdíkke kútím jasauǵa múmkíndík beredí.
Osylaısha, Almatyda «Taza Qazaqstan» qaǵıdattaryn íske asyru bírneshe ózara baılanysty baǵytty qamtıdy. Olar – qala aumaǵyn taza ūstau, jasyl jelekter sanyn arttyru, pıtomnıkter qūru, qalalyq ortaǵa beıímdelgen ósímdíkterdí tańdau men ekologıyalyq aǵartu jūmysyn júrgízu.