JAQ.OrtCom 2026 jylǵy 10-20 qyrkúıek aralyǵyndaǵy resmı teríske shyǵarular jıyntyǵyn ūsynady, dep habarlaıdy aqshamnews.kz tílshísí.
Feık: Qazaqstan azamattaryna bír mıllıon páterdí tegín beríledí
JAQ.OrtCom resmı málímdemesí:
Qazaqstan azamattaryna bír mıllıon páterdí tegín beru josparlanyp jatqany turaly taralyp jatqan vıdeorolık shyndyqqa sáıkes kelmeıdí.
JAQ.OrtCom túsíndírmesí: Būl jaǵdaıda būǵan deıín de bírneshe ret kezdesken manıpulyatsıya tásílí qoldanylǵan: shynaıy beınekadrlar jalǵan habarlamany taratu úshín paıdalanylǵan. Tanymal tūlǵalardyń beınesí men dauysynyń qoldanyluy jalǵan materıalǵa resmı sıpat beríp, onyń shynaıy aqparat ekeníne sendíruge baǵyttalǵan. Mūndaı tásíldíń maqsaty - audıtorıyada būl málímdeme memlekettík organdardan nemese eldíń joǵary lauazymdy tūlǵalarynan taraǵan degen áser qalyptastyru.
Feık: Qazaqstan mektebínde samokatpen júrgen oqushy turaly vıdeorolık
JAQ.OrtCom resmı málímdemesí:
Taralyp jatqan vıdeorolıktíń Qazaqstan mektepteríne qatysy joq. Tekseru nátıjesínde vıdeonyń kórshíles elde túsírílgení anyqtaldy. Būǵan rolıktegí vızualdy belgíler, sondaı-aq túpnūsqa jarıyalanymdy ornalastyrǵan akkaunt turaly derekter dálel bolady.
JAQ.OrtCom túsíndírmesí: Būl jaǵdaıda dezınformatorlar aqparattyq kún tártíbín bír jaǵdaıdan ekínshísíne kóshíru tásílín qoldanǵan: shetelde túsírílgen vıdeorolıkke Qazaqstanǵa qatysty jalǵan geografıyalyq baılanys berílíp, sonyń negízínde elímízdegí jaǵdaı turaly negízsíz qorytyndylar jasalǵan. Osylaısha, basqa eldegí jergílíktí oqıǵa Qazaqstannyń bílím beru júıesíne qatysty emotsıyalyq sıpattaǵy jasandy aqparattyq sebepke aınaldyrylǵan.
Feık: Zaısan audanynda «Kók kıt» oıynynyń saldarynan mūǵalím qaza tapty degen aqparat
Shyǵys Qazaqstan oblysy polıtsıya departamentíníń resmı teríske shyǵaruy:
Qaza bolǵan adamnyń mūǵalím bolǵany turaly aqparat shyndyqqa sáıkes kelmeıdí. Sondaı-aq tekseru barysynda bolǵan oqıǵanyń «Kók kıt» dep atalatyn oıynmen baılanysy anyqtalǵan joq.
JAQ.OrtCom túsíndírmesí: Bolǵan oqıǵa turaly aqparatqa qaza bolǵan adamnyń jeke basyna qatysty rastalmaǵan málímetter jáne oqıǵanyń «Kók kıt» dep atalatyn oıynmen baılanysy turaly boljam qosylǵan. Qaıǵyly oqıǵany būryn qoǵamda rezonans tudyrǵan oqıǵamen baılanystyru qosymsha aqparattyq sebep qalyptastyrady, ózektílígín joǵaltqan taqyrypty qaıtadan qoǵamdyq kún tártíbíne shyǵaryp, bolǵan jaǵdaıǵa qatysty alańdaushylyqty kúsheıtedí.
Feık: Qarjy mınıstrí Mádı Takıev ınvestıtsıyalyq qyzmetke lıtsenzıya berdí degen aqparat - jalǵan
QR Qarjy mınıstrlígíníń resmı teríske shyǵaruy:
Qarjy mınıstrlígí qarjy naryǵyndaǵy brokerlík, dılerlík, ınvestıtsıyalyq jáne ózge de kásíbı qyzmet túrlerín lıtsenzıyalaıdy. Tıístí lıtsenzıyalardy beru, ınvestıtsıyalyq kompanıyalar men brokerlerdíń qyzmetín tírkeu jáne baqylau uákílettí memlekettík organnyń qūzyretíne jatady.
JAQ.OrtCom túsíndírmesí: Memlekettík organ basshysynyń esímí men beríldí degen lıtsenzıya turaly málímet alayaqtyq ūsynysqa resmı sıpat beru úshín paıdalanylǵan. Mūndaı shema áleuettí ınvestorlardyń senímín arttyruǵa baǵyttalǵan jáne azamattardy qajettí rūqsattary joq ūıymdarǵa aqsha audaruǵa nemese derbes derekterín beruge ıtermeleuí múmkín.
Feık: Shymkentte polıtsıya qyzmetkerí ákímshílík hattamaǵa júrgízushíníń ornyna qol qoıǵan
Shymkent qalasy polıtsıya departamentíníń resmı teríske shyǵaruy:
Polıtsıya qyzmetkeríníń júrgízushíníń ornyna óz betínshe qol qoıǵany turaly aqparat shyndyqqa sáıkes kelmeıdí. Ákímshílík hattama belgílengen tártíppen rásímdelgen.
JAQ.OrtCom túsíndírmesí: Rásímde kózdelgen qol qoyudan bas tartu turaly belgí polıtsıya qyzmetkeríníń júrgízushíníń ornyna qol qoyuy retínde kórsetílgen. Ákímshílík hattamany rásímdeu barysynda qoıylǵan belgí konteksten alynyp, lauazymdy tūlǵany qūqyqqa qaıshy áreket jasady dep aıyptauǵa negíz bolǵan. Mūndaı ınterpretatsıya memlekettík organdardyń jūmysyna qatysty terís kózqaras qalyptastyruy múmkín.