Kúní keshe "Qazaq aruy - 2025" baıqauynyń jeńímpazy anyqtaldy. Qazaqstannyń túkpír-túkpírínen nıet bíldergen 700 qyzdyń íshínen úzdík dep tanylǵan Dárıya Quatjan kím? Ol turaly ne belgílí? Aqshamnews.kz tílshísíníń materıalynan bílíńíz.
Qarapaıym auyldyń tumasy
Dárıya Quatjan - Taldyqorǵan mańyndaǵy qarapaıym auyldyń qyzy. Úıíníń úlkení. Ózínen keıín úsh síńlísí jáne ínísí bar.
"Kózímdí ashyp es bílgelí úıde tórt-túlík maldyń bárí bar. Ata-anam mal sharuashylyǵyna qatty qaraıtyn. Bíraq bízdí asa jolatpaıtyn. "Sender oqyńdar, bílím alyńdar, damyńdar" dep túrlí úıírmelerge, qosymsha sabaqtarǵa ánge, bıge, dombyraǵa qatystyratyn", - deıdí ol ózíníń bír áńgímesínde.
Balalyq armannan tuǵan brend
Dárıya qazír tanymal dızaıner. Onyń sánge degen mahabbaty erte jastan bastalǵan. Bala kezínde quyrshaqtaryna ózí kóılek tígíp, anasymen bírge otyryp keste toqudy úırengen. Sol qarapaıym ádet keıín onyń ómírlík kásíbíne aınalatyn joldyń basy bolǵandaı.
"Kıím tígu, dızaıner bolu – bala kúnímnen bergí armanym. Áuelí quyrshaqtaryma kíshkentaı kóılek tígetínmín. Anam qolónerge jaqyn bolǵandyqtan, men de erte jastan keste tígíp, ádemí dúnıelerge qyzyǵa bastadym. Sol kezden bastap shyǵarmashylyqqa degen qūlshynysym oyandy", – deıdí ol būǵan deıíngí sūhbattarynyń bírínde.
Dárıya úshín sán – jaı ǵana tabys kózí emes, onyń ómír salty men ózíndík fılosofıyasyna aınalǵan qūndylyq.
Darideiya qalaı qūryldy?
Óz súıíktí ísín mansabyna aınaldyrudy maqsat etken Dárıya jeke brendín qūru jolynda kóp synaqtardan ótken. Áleumettík jelíde ol jeke sán úıín ashpas būryn bírneshe adamdardyń, ınvestordyń, típtí qūrbysynyń satqyndyǵynan keıín synyp qalǵanyn da bólísken edí. Dese de, maqsatyna jetu jolynda eshteńege moıymaǵan ol 2025 jyly Darideiya atty ózíníń jeke sán úıín ashady.
"Dúken ashuǵa ūzaq uaqyt batylym barmady. Óıtkení būrynǵy tájírıbem kóńílden shyqpaǵan. Bíraq adamdardyń kıímdí qolmen ūstap kórgísí keletínín, daıyn obrazdy tańdaudy qalaıtynyn túsíndím. Keıbírí arnaıy úıge kelíp kóríp júrdí. Sol sátte dúken ashu – dūrys sheshím ekeníne kózím jettí", – deıdí Dárıya.
Búgínde onyń dúkení etno-stıldí súıetín almatylyqtardyń jıí baratyn oryndarynyń bíríne aınaldy. Qazír Dárıyanyń dızaınymen jasalǵan kıímderdí elímízge tanymal tūlǵalar da kıíp júr. Típtí sheteldíkter de túrlí kıímderge tapsyrys beretín kórínedí.
"Anam auyrǵan jyl mení 10 jylǵa eseıtíp tastady"
Dárıya áleumettík jelíde 2024 jyly úlken synaqty ótkergen júrekjardy beınesín bólísken edí. Onda ol osydan bír jyl būryn anasynyń qaterlí ísíkke shaldyqqanyn bílíp, qatty qaımyqqanyn jetkízedí.
"Anam auyrǵan jyl mení 10 jylǵa eseıtíp tastady. Bír jyl būryn álí dúkenímdí ashpaǵan kezím edí. Bízdíń shetelge shyǵatyn eshqandaı jaǵdaıymyz da, qarajatymyz bolmady. Anamnyń emí úshín 10 mıılıon teńge qajet boldy. Eń bolmasa elímízdegí bílíktí dárígerlerge qaratqym keldí. Anashymdy emdetuím kerek degen maqsat boldy jáne ózímnen basqa eshkímge senbedím. Solaısha byltyr qazanda anama ota jasaldy. Qazír bárí jaqsy, shúkír", - deıdí Dárıya.
"Qazaq aruy" atanǵanǵa deıíngí jol
Armanyna adal qyz solaısha 22 jasynda "Qazaq aruy" sūlulyq baıqauynda jeńíske jettí. Baıqauda ol balalarǵa arnalǵan "Kóshpendí dala ūrpaqtary" atty avtorlyq kıím kollektsıyasyn tanystyrdy. Sondaı-aq, sūraq-jauap kezeńínde de mardymdy bergen jauabymen kózge tústí.
Fınal qorytyndysy boıynsha Dárıya Quatjan 26 376 dauys jınap, basty básekelesíníń bírí Dıana Qyrymdy (13 160 dauys) ekí esege juyq basyp ozdy.
Qyzyǵy, Dárıya qyrkúıekten berí, yaǵnı kastıngten ótken uaqyttan bastap áóz paraqshasynda baıqauǵa qatysty 240 post jarıyalaǵan eken. Áleumettík jelíde jūrt onyń belsendílígín, eńbekqorlyǵyn, jeńíske degen ūmtylysyna rıza bolyp, jyly píkírlerín jaudyryp jatyr.
Aıta keteıík, byltyr ūlttyq sūlulyq baıqauynda Qyzylorda oblysynyń tumasy, 17 jastaǵy Aqkerbez Ysqaqqyzy “Qazaq aruy – 2024” atanǵan edí. Alaıda jelí qoldanushylary arasynan baıqau ádíletsíz óttí dep sanaǵandar kóp boldy. Keıínírek baıqaudyń prodyuserí Bayan Maqsatqyzy 2024 jylǵy jeńímpazdy qaıta anyqtalatyn málímdep, dauys beru ekínshí ret ótkízíldí. Alaıda Aqkerbez Ysqaqqyzy ekínshí dauys beru kezínde de oza shapty.
