Auyl sharuashylyǵy eńbekkerleríníń ekínshí forumyna qatysqan Memleket basshysy Qasym-Jomart Toqaev osylaı dedí.
Prezıdent sońǵy on jylda auyl sharuashylyǵynyń jalpy ónímí 2,5 eseden astam óskenín aıtty, - dep habarlaıdy Aqshamnews.kz.
"Qazír halqymyzdyń 37 paıyzy, yaǵnı 7,5 mıllıon adam auylda tūrady. Auyl – halqymyzdyń tamyry, ruhanı qazyǵy. Būryn solaı bolǵan, bolashaqta da solaı bolyp qala bermek. Túptep kelgende, auyl sharuashylyǵyn damytu máselesíne jalpy auyl-aımaqtardy, yaǵnı búkíl eldí damytu dep qaraǵan jón. Osy baǵytta bíz sońǵy jyldary auqymdy reformalar júrgízíp jatyrmyz. Elímízdíń negízgí kórsetkíshterí tūraqty. Bıylǵy on aıda ekonomıkamyz 6,4 paıyzǵa óstí. Sonyń íshínde auyl sharuashylyǵy da qarqyndy damuda" - dedí Memleket basshysy.
Jyl basynan berí osy saladaǵy negízgí kapıtalǵa salynǵan ınvestıtsıya 20 paıyzdan astam ósíp, 790 mıllıard teńgege jettí. Al eńbek ónímdílígí úsh jylda 37,3 paıyzǵa artqan.
"Qazaqstan jahandyq azyq-túlík qauípsízdígí reıtıngí boıynsha (Global Food Security Index) 32-shí orynda tūr. Būl – jaqsy kórsetkísh. Bíraq būl máz bolyp, qol qusyryp otyruǵa bolady degen sóz emes. Sebebí ashyǵyn aıtuymyz kerek, bíz auyl sharuashylyǵynyń orasan zor áleuetín álí de tolyq qoldanbaı otyrmyz. Elímíz jaıylymdyq jer aumaǵy boıynsha álemde 6-shy oryn alady. Al egís alqaby boıynsha 8-shí orynda tūr. Demek qolymyzda qajettí resurs bar, tek sony tıímdí paıdalanuymyz qajet. Sońǵy on jylda auyl sharuashylyǵynyń jalpy ónímí 2,5 eseden astam óstí, yaǵnı 3,3 trıllıon teńgeden 8,3 trıllıon teńgege deıín kóbeıdí. 2030 jylǵa deıín būl kórsetkíshtí taǵy 2 ese arttyruymyz kerek. Būl – bízdíń qolymyzdan keletín sharua. Ūlttyq damu josparymyz bar, maqsat-míndetterímíz de – aıqyn. Bízge keregí – sapaly jūmys pen naqty nátıje. Sol sebeptí aldymen auyl sharuashylyǵyn damytu úshín erekshe nazar audaratyn ózektí máselelerge toqtalyp ótkím keledí", - dedí Prezıdent.
