Qalalyq Polısıa departamentiniń túsindirmesine saı, Almatyda aýlada júrgen búldirshindi teýip qulatqan er adam qamaýǵa alynǵany belgili boldy, dep habarlaıdy aqshamnews.kz
Áleýmettik jelilerde er adamnyń turǵyn úı kesheni aýlasynda kishi jastaǵy balaǵa qol kótergen sáti beınelengen vıdeo keńinen taralýda. Atalǵan derek boıynsha Alataý aýdandyq Polısıa basqarmasy qylmystyq is qozǵady.
«Kúdikti jedel túrde anyqtalyp, ustaldy jáne ýaqytsha ustaý ızolátoryna qamaqqa alyndy.
Polısıanyń ustanymy aıqyn: balalarǵa qatysty mundaı áreketterge jol berilmeıdi jáne olar zań aıasynda qatań túrde toqtatylady. Qazirgi ýaqytta oqıǵanyń barlyq mán-jaıy anyqtalýda. Tergeý barysy Polısıa departamenti basshylyǵynyń baqylaýynda», – delingen qalalyq PD habarlamasynda.