Quat Hamıtov akter Erkebūlan Toqtarǵa kásíbı boks erejesímen jekpe-jek ótkízudí ūsyndy, - dep habarlaıdy Aqshamnews.kz.
Belgílí MMA faıterí Quat Hamıtov áleumettík jelíde akter Erkebūlan Toqtarǵa kásíbı bokstan jekpe-jek ótkízudí resmı túrde ūsyndy. 37 jastaǵy sportshy mūndaı kezdesu Qazaqstan boksy úshín jyldyń eń shuly oqıǵasyna aınaluy múmkín ekenín aıtady.
Hamıtovtyń sózínshe, būl bastamany ózí kótergen, al Toqtar ūsynystan beıhabar bolǵan.
"Qazaqstandaǵy promouterler ūıymdastyratyn turnırlerdíń deńgeıí kóńíl kónshítpeıdí. Shynaıy shou men masshtab joq. Barlyǵy jasandy, bárí ótírík sekíldí… Al naǵyz qyzyq kezdesu – meníń jáne Erkebūlan Toqtardyń arasyndaǵy aıqas bolmaq! Mūndaı jekpe-jek elímízdegí eń úlken oqıǵaǵa aınalary sózsíz", – dedí Quat Hamıtov.
Toqtardyń jauaby ūzaq kúttírmedí
Akter Erkebūlan Toqtar Hamıtovtyń ūsynysyna vıdeo arqyly jauap beríp, jekpe-jekke kelísetínín, típtí yqtımal kún retínde óz tuǵan kúní 29 jeltoqsandy atady.
"Men bala kezde seníń fanatyń boldym. Endí sen maǵan shaqyru joldap otyrsyń. Jekpe-jek bolady. Iá, dauy da úlken bolady. Bíraq qūlau da úlken bolady", - dedí akter.
Erkebūlan Toqtar pop-MMA arqyly tanylyp, keıín kásíbı deńgeıde óner kórsete bastaǵan. Topology deregí boıynsha onyń rekordy — 11–3. Al Hamıtovtyń tájírıbesí áldeqaıda mol — 27–8–2, sonymen qatar ol boks rıngínde de jeńíske jetken.
Hamıtov: «Toqtardyń boksy keıbír MMA sportshylarynan myqty»
Quat būl jekpe-jektí ózíníń kásíbı MMA mansabyna kedergí bolmaıtynyn aıtty. 23 qazanda ol Absolute Championship Akhmat (ACA) ūıymyndaǵy debyutínde jeńíske jetken.
"ASA-da óner kórsetudí jalǵastyramyn. Kelesí jyly qaıta oralǵym keledí. Qazír formamdy joǵaltpau úshín boks nemese kórsetílímdík jekpe-jekterde óner kórsete beremín", — dedí sportshy.
Jekpe-jektíń naqty ótetín uaqyty ázírge belgísíz. Ūıymdastyrushylar tarapynan da resmı málímet jarıyalanǵan joq.
