Kınologtar Gerdaǵa joǵalǵan azamattyń kıímín ıísketíp, ízdeudí onyń úıíníń aldynan bastady, dep habarlaıdy aqshamnews.kz tílshísí.
23 tamyz kúní saǵat 23:50 shamasynda Atyrauda polıtsıyaǵa 77 jastaǵy er adamnyń úıínen belgísíz baǵytqa shyǵyp ketíp, habarsyz ketkení turaly aqparat túsken.
Ízdeu jūmystaryna kınologtar Rahymjan Erbolat pen Elaman Uteulıev jáne qyzmettík-ízdestíru ıtí Gerda jūmyldyryldy. Kınologtar Gerdaǵa joǵalǵan azamattyń kıímín ıísketíp, ízdeudí onyń úıíníń aldynan bastady.
Qyzmettík ıt ízben shamamen 2 shaqyrym júríp ótíp, kanal mańyndaǵy qamys arasynan joǵalǵan er adamdy tapty. Azamattyń jaǵdaıy jaqsy. Ol polıtsıya qyzmetkerleríne jedel áreketí men kórsetken kómegí úshín alǵysyn bíldírdí.
Gerda 2024 jyldan berí íshkí íster organdarynda qyzmet atqaryp keledí. Osy uaqyt íshínde ol túrlí ízdestíru jūmystaryna qatysyp, polıtsıya qyzmetkerleríníń senímdí serígíne aınaldy.
Qyzmettík ıtterdíń kómegí – polıtsıya qyzmetíndegí mańyzdy baǵyttardyń bírí. Gerda sekíldí ízdestíru ıtterí qıyn jaǵdaılarda adamdy jedel tabuǵa jáne onyń ómírí men qauípsízdígín saqtauǵa eleulí úles qosyp keledí.