Muzykanttarǵa tsıfrlyq daǵdylar, synı oılau men avtorlyq qūqyq negízín bílu qajet bolady, dep habarlaıdy aqshamnews.kz tílshísí.
Shyǵarmany taldap, dybyspen jūmys ístep, jańa ıdeya ízdegen kezde muzykanttarǵa jasandy ıntellekttíń kóp kómegí tıíp jatyr. Bíraq túpkílíktí shyǵarmashylyq sheshímdí adamnyń ózí shyǵaruy kerek. Óńírlík kommunıkatsıyalar qyzmetínde Qūrmanǵazy atyndaǵy Qazaq ūlttyq konservatorıyasynyń úrmelí jáne ūrmaly aspaptar kafedrasynyń oqytushysy Arman Isalıev osylaı dep málímdedí.
Spıkerdíń aıtuynsha, jasandy ıntellektíníń damuyna baılanysty shyǵarmashylyq mamandyqtyń joıylyp-joıylmaıtynynda emes másele. Qazír eń mańyzdysy – muzykanttardyń, kompozıtorlar men oqytushylardyń jūmysy qalaı ózgeríp, būl úderíste adamnyń rólí qandaı bolatynyn túsínu.
«Shyǵarmashylyq mamanǵa «II mení almastyra ma?» degen sūraqtan górí, «II meníń shyǵarmashylyq múmkíndígímdí qaıtíp keńeıte alady?» dep sūraǵan dūrys», – dedí Arman Isalıev.
Jasandy ıntellektíní muzykalyq ıdeyalardy ízdeu, aranjırovka jasau, dybysty óńdeu men shyǵarmany taldau úshín paıdalanuǵa bolady. Ol ártúrlí oryndaudy salystyryp, temp, yrǵaq, ıntonatsıyadaǵy máselení anyqtap, tehnıkalyq jūmystyń bír bólígín moınyna alady. Būl uaqytty únemdep, muzykantqa shyǵarmanyń mazmūnyna kóbírek kóńíl bóluge múmkíndík beredí.
Qūrmanǵazy atyndaǵy Qazaq ūlttyq konservatorıyasynda tehnologıyalar bírneshe baǵytta qoldanylady. Teorıyalyq pánderde olar garmonıya men muzykalyq formany taldauǵa, oryndaushylyq ónerde audıojazbamen jūmys ísteuge, kompozıtsıyada muzykalyq nūsqalardyń ártúrlí sheshímín tekseruge kómegí tıedí. JI sonymen qatar ǵylymı zertteude, art-menedjment pen oqu úderísín ūıymdastyruda qoldanylady.
Sonymen bírge Arman Isalıev daıyn sheshímge únemí arqa súıeu muzykanttyń ózíndík stılí men óz betínshe oılau qabíletín álsíretuí múmkín ekenín eskerttí. Būǵan qosa, jasandy ıntellekt ūsynatyn aqparat árdaıym dál bola bermeıdí. Sondyqtan ony tekseríp, synı tūrǵydan baǵalau qajet.
Tehnologıyalardyń damuy muzykalyq bílím beru salasyn da ózgerte bastady. Būryn studentten eń aldymen úlken kólemdegí aqparatty este saqtau talap etílse, qazír kóp málímettí bírneshe sekund íshínde aluǵa bolady. Sondyqtan taldau, salystyru, materıaldy túsínu men ony shyǵarmashylyq tūrǵyda qoldanu aldyńǵy orynǵa shyǵady.
Mūndaı jaǵdaıda oqytushy jaı ǵana bílím kózí emes, tálímgerge aınalady. Onyń míndetí – studentke aqparatty íríkteudí, tsıfrlyq qūraldardy sauatty paıdalanyp, ózíndík oryndaushylyq ūstanymyn qalyptastyrudy úıretu.
«Bolashaq muzykant dástúrlí muzykalyq bílím men zamandyq tehnologıyalardy qatar meńgeruí kerek», – dep tolyqtyrdy sózín spıker.
Onyń píkírínshe, jańa buyn mamandaryna joǵary oryndaushylyq sheberlíktíń ózí jetkílíksíz boluy múmkín. Muzykanttarǵa tsıfrlyq daǵdylar, synı oılau men avtorlyq qūqyq negízín bílu qajet bolady. Sonymen qatar dástúrlí kásíbı qasıetter – muzykalyq estu qabíletí, shyǵarmany túsínu men ózíndík stıl de óz mańyzyn joǵaltpaıdy.
Avtorlyq qūqyq máselesí de bólek taqyryp boldy. Jasandy ıntellekt adam jasaǵan muzyka, mátínder men keskínder arqyly oqytyluy múmkín. Osyǵan baılanysty avtorlardyń rūqsaty, jańa tuyndynyń kímge tıesílí ekení jáne ony jasauda adamnyń úlesí qanshalyqty boluy kerektígí turaly sūraq tuyndaıdy. Sonymen qatar būl tehnologıyalar zańsyz kóshírmelerdí ízdep, tuyndylar arasyndaǵy ūqsastyqty anyqtauǵa múmkíndík beredí. Arman Isalıevtíń píkírínshe, tehnologıya men adam shyǵarmashylyǵynyń arasyndaǵy negízgí shekarany qūral men ıdeyanyń ara-jígínen ízdeu kerek.
«Jasandy ıntellekt muzykalyq materıal ūsyna alady, bírneshe nūsqa jasaı alady, belgílí bír tehnıkalyq úderístí oryndaı alady. Bíraq shyǵarmanyń ne turaly bolatynyn, qandaı emotsıya beruí kerektígín jáne qandaı kórkemdík maqsatqa qyzmet etetínín adamnyń ózí anyqtaıdy», – dep túsíndírdí.
Oqytushynyń aıtuynsha, jasandy ıntellekt shyǵarmashylyq mamandyqtardy míndettí túrde joımaıdy, bíraq olardyń mazmūnyn aıtarlyqtaı ózgertedí. Tehnıkalyq jáne qaıtalanatyn jūmystar bírtíndep avtomattandyrylǵan saıyn, adamnyń shyǵarmashylyq oılauy, emotsıyalyq tereńdígí, synı kózqarasy men ózíndík stılí odan saıyn qūndy bola túspek.
«Bolashaqtyń básekege qabílettí muzykanty – jasandy ıntellektímen básekelesetín adam emes, ony óz maqsatyna jetíp, ózíníń kórkemdík ıdeyasyn júzege asyruǵa baǵyttaı alatyn maman», – dep túıíndedí Arman Isalıev.