Student dástúrlí balama kursty da tańdaı alady, dep habarlaıdy aqshamnews.kz tílshísí.
Jasandy ıntellekt kıno, teledıdar men teatr qoıylymyn jasaudyń tásílín álden ózgerte bastady. Bíraq ol shyǵarmashylyq mamandyqtaǵy adamnyń ornyn tolyq basa almaıdy. Óńírlík kommunıkatsıyalar qyzmetínde Temírbek Júrgenov atyndaǵy Qazaq ūlttyq óner akademıyasynyń ókílderí osylaı dedí.
Kıno men televıdenıe fakultetíníń dekany, PhD doktory Madına Bakeevanyń aıtuynsha, sońǵy onjyldyqta kınoındustrıya kınoplenkadan tsıfrlyq tehnologıyalarǵa kóshu, syzyqtyq emes montajdyń paıda boluy men postprodakshnnyń osy zamanǵy qūraldarynyń engízíluí sıyaqty bírneshe úlken tehnologıyalyq ózgerístí bastan ótkeríptí. Qazír osy úderístíń jańa kezeńí jasandy ıntellekt tehnologıyalarymen qabattasa damyp jatyr.
Bírneshe jyl būryn JI negízínen shudy azaıtu, tústí túzetu nemese subtıtrdí avtomatty túrde jasau úshín qoldanylsa, qazír tehnologıyalar óndírístíń barlyq derlík kezeńínde paıdalanylady. Oǵan stsenarıı men raskadrovka jasaudan bastap, montaj, muzyka, vızualdy effektíler men daıyn kontenttí ílgeríletuge deıíngí jūmys jatady.
«Bírínshí kursqa túsíp jatqan student qazír oqu bítírgen kezde jasandy ıntellekttí meńgeru, kameramen, montaj baǵdarlamasymen jūmys ísteı bílu sıyaqty bazalyq qūzyretke aınalǵan ındustrıyada eńbek etedí», – dedí spıker.
Fakultette oqu baǵdarlamasyna kıno óndírísí men JI qoldanuǵa baılanysty tórt tańdau pání engízílgen. Student dástúrlí balama kursty da tańdaı alady. Akademıya ókílderí jańa tehnologıya onyń shyǵarmashylyqty almastyrmaı, avtordyń qolyndaǵy qūral bolyp qana qaluy kerek degen píkír aıtty. Būl ásírese dıplomdyq jobalarǵa qatysty.
«Dıplomdyq jūmys túlektíń kásíbı daǵdysynyń qalyptasqanyn kórsetuí kerek. Bízdíń míndetímíz studentterdí tehnologıyadan oqshaulau da, oǵan tolyqtaı berílu de emes, ony sanaly, synı tūrǵydan jáne etıkalyq tūrǵyda paıdalana bíludí úıretu», – dep tolyqtyrdy sózín dekan.
Jasandy ıntellekt vızualızatsıyany, bastapqy raskadrovkany, beıneúzíndíní jyldam jasap, dauys pen muzykany sıntezdeı alady. Alaıda neırojelíníń ózíndík ómírlík tájírıbesí, mádenı jady nemese avtorlyq ūstanymy joq. Kórermenge není kórsetíp, shyǵarmaǵa qandaı maǵyna beru kerektígín, áserlílík pen kórkemdík adaldyqtyń ólshemín álí de adamnyń ózí sheshedí.
Jasandy ıntellekt adamdy tolyqtaı almastyra almaıtynyna «Teatr ónerí» fakultetíníń dekany Madıyar Sarybaı da senímdí. Onyń aıtuynsha, būl ásírese teatr ónerínde anyq baıqalady, óıtkení onyń negízínde akter men kórermen arasyndaǵy tíkeleı baılanys jatyr.
«Sahnadaǵy akter jaı ǵana jattaǵan mátínín aıtyp shyqpaıdy. Ol keıípkerdíń taǵdyryn bastan ótkeredí, seríktesí men kórermenníń tynysyn sezínedí. Jasandy ıntellekt adamnyń dauysyn, syrtqy kelbetín, típtí emotsıya kórínísín de qaıtalaı alady. Bíraq ol adamnyń jaı-kúıín qaıtalap, sahnadaǵy shynaıy sezímdí bastan keshíre almaıdy», – dedí Madıyar Sarybaı.
Sonymen qatar JI rejısserler men dramaturgterge materıal ízdeu men tarıhı kontekstí zertteu kezínde, stsenograftarǵa dekoratsıya nūsqalaryn ázírleude, suretshílerge obrazdardy aldyn ala daıyndauda, al studentterge úlken kólemdegí aqparatpen jūmys ísteude paıdaly boluy múmkín.
Alaıda spıkerlerdíń aıtuynsha, daıyn sheshímge shamadan tys táueldílík studentterdíń óz betínshe oılau, ízdenu men qatelesu qabíletín álsíretuí múmkín. Óıtkení shyǵarmashylyq tūlǵanyń qalyptasuynda dál osy úderístíń mańyzy zor.
Taǵy bír mańyzdy másele – avtorlyq qūqyq pen etıka. Akterdíń dauysy nemese beınesín rūqsatsyz paıdalanu, neırojelílerdí oqytu úshín qoldanylǵan materıaldardyń shyǵu tegí, sondaı-aq JI kómegímen jasalǵan tuyndylardyń avtorlyǵyn anyqtau máselelerí ózektí bolyp otyr.
Akademıya ókílderíníń píkírínshe, tehnologıyanyń damuyna baılanysty shyǵarmashylyq mamandyqtar joıylyp ketpegenímen, ózgeredí. Bolashaq rejısserler, akterler, operatorlar, prodyuserler men basqa da mamandarǵa jańa qūraldy meńgeruge tura keledí. Sonymen bírge olar eń mańyzdy nársení – ózíndík kózqarasy men jasap jatqan tuyndysy úshín jauapkershílígín saqtauy kerek.
«Shyǵarmashylyq mekteptíń míndetí – generatsıyalau batyrmasyn basudy bíletín mamandardy emes, ony ne úshín jáne qashan qoldanu kerektígín, sondaı-aq kórermenge qandaı maǵyna jetkízgísí keletínín túsínetín mamandardy dayarlau», – dep qorytyndylady Madına Bakeeva.