Chempıonat 24-30 tamyz aralyǵynda ótedí, dep habarlaıdy aqshamnews.kz tílshísí.
ShQO ortalyǵynda semserlesuden 23 jasqa deıíngí sportshylar arasynda Qazaqstan Respublıkasynyń chempıonaty bastaldy. Qaladaǵy Jekpe-jek saraıynda jarystyń saltanatty ashylu rásímí óttí. Oǵan Shyǵys Qazaqstan oblysynyń ákímí Nūrymbet Saqtaǵanov qatysty. Óńír basshysy sportshylardyń sáttí óner kórsetíp, jańa sporttyq jetístíkterge jetuleríne tílektestík bíldírdí.
Chempıonat 24-30 tamyz aralyǵynda ótedí. Jarysqa Astana, Almaty, Shymkent qalalary men Aqtóbe, Almaty, Qaraǵandy, Abaı jáne Shyǵys Qazaqstan oblystarynan kelgen eń myqty jas semserlesushíler qatysuda.
Sportshylar semserlesudíń úsh túrí – semser, qylysh jáne rapır boıynsha baq synaıdy. Baǵdarlama erler men áıelder arasyndaǵy jeke jáne komandalyq saıystardy qamtıdy.
Búgín erler arasynda semser boıynsha jeke jarystar ótude. Al erteń áıelder arasynda semserden jeke jarystar, sársenbí kúní erler men áıelder arasyndaǵy komandalyq saıystar bolady. Beısenbí jáne jūma kúnderí sportshylar qylyshtasudan, al 29-30 tamyz aralyǵynda rapırdan baq synaıdy.
Bıylǵy chempıonatqa bolashaǵynan zor úmít kúttíretín jas sportshylar jınaldy. Kópshílígí úshín būl jarys - sporttyq mansabyndaǵy mańyzdy kezeń árí ūlttyq qūrama sapyna qosylu jolyndaǵy zor múmkíndík.
Kórermen úshín kíru tegín. Óskemen qalasynyń tūrǵyndary men qonaqtaryn sportshylarǵa qoldau kórsetíp, tartysty jekpe-jekterdíń kuásí boluǵa shaqyrady.
Chempıonattyń alǵashqy kúníníń qorytyndysy: 1-oryn - Aleksandr Fedotov (Aqtóbe oblysy), 2-oryn - Nūrjan Abjanov (Almaty), 3-oryn - Nūrmūhamed Baltabaı (Shymkent), 3-oryn - Bogdan Lukın (ShQO).