Atyrauda Jangeldın auylyndaǵy otbasynyń ólímíne qatysty tergeu ayaqtaldy. Basty kúdíktí Sūltan Sársemalıev kínásín moıyndap, qazír tergeu ızolyatorynda sotty kútíp otyr, – dep habarlaıdy aqshamnews.kz tílshísí "Aq Jaıyq" basylymyna sílteme jasap.
Derekkózderdíń málímetínshe, aıyptalushy qylmystyq ís materıaldarymen tanysyp, tórt adamdy óltíru deregí boıynsha kínásín moıyndaǵan.
Sársemalıevke Qylmystyq kodekstíń 99-baby 2-bólígí 1-tarmaǵy - "Ekí nemese odan da kóp adamdy óltíru" boıynsha aıyp taǵyldy. Sonymen qatar, tergeu ayasynda 188 jáne 190-baptar - "Ūrlyq" jáne "Alayaqtyq" boıynsha qosymsha qylmystyq íster tírkelgen. Áńgíme qaza tapqan otbasynyń malyn satu, sondaı-aq, olardyń bank kartalarynan aqsha ūrlau turaly bolyp otyr.
"Barlyq tergeu áreketterí ayaqtaldy. Ís tolyq daıyn, jaqyn kúnderí sotqa joldanady. Sot protsesí osy aıda bastalady", - dedí derekkóz.
Būǵan deıín Atyrau oblysynyń prokuraturasy psıhologıyalyq-psıhıatrıyalyq saraptama qorytyndysy boıynsha Sūltan Sársemalıevtíń esí dūrys dep tanylǵanyn habarlaǵan. Būl onyń zań boıynsha tolyq jauapkershílíkke tartylatynyn bíldíredí.
Taǵylǵan aıyptardy eskersek, oǵan ómír boıyna bas bostandyǵynan aıyru jazasy taǵaıyndaluy múmkín.