Elorda prokýrorlary jedel medısınalyq járdem stansıasynda jymqyrý deregin anyqtady, - dep habarlaıdy aqshamnews.kz tilshisi.
Elorda prokýratýrasy Astana boıynsha UQK-niń departamentimen birlesip 2020-2023 jyldar aralyǵynda jedel medısınalyq járdem stansıasynyń búdjet qarajatyn jymqyrý sqemasynyń jolyn kesti. Arnaıy prokýrorlardyń basshylyǵymen vedomstvoaralyq jedel-tergeý toby quryldy.
Prokýrorlar sanıtarlyq avtokóliktiń bólshekterin zańsyz esepten shyǵarý jáne jalǵan qyzmet kórsetý sharttaryn jasasý deregi anyqtady.
Sonyń nátıjesinde jumys isteıtin avtokólikterdiń sany azaıyp, qalǵandary qosalqy bólshekterdi jymqyrý saldarynan paıdalanýdan shyǵarylǵan.
Qazir "103" avtoparki tolyǵymen qalpyna keltirildi. 4 qyzmetker, onyń ishinde 2 basshy men stansıa dırektory ustaldy. Kórsetilgen tulǵalardyń áreketterinen memleketke 850 mıllıon teńge somasynda asa iri zalal keltirilgen.
Olardyń is-áreketteri Qylmystyq kodekstiń "Kinálige senip tapsyrylǵan bóten múlikti adamdar tobynyń aldyn ala sóz baılasýymen, óziniń qyzmet babyn paıdalana otyryp jasaǵan asa iri mólsherde birneshe ret ıemdenip alý", ıaǵnı QK-niń 189-baby 4-bóligi 2) tarmaǵy, 189-baby 3-bóligi 1),2),3) tarmaqtary boıynsha saralandy.
Qylmystyq is sotqa joldandy.