2026 jylǵy 11 aqpanda Astana qalasyndaǵy Dostyq úıínde Qazaqstan Respublıkasynyń jańa Konstıtutsıya jobasyn qoldauǵa arnalǵan «Assambleya jastary» respublıkalyq qoǵamdyq bírlestígíníń otyrysy óttí. Ís-shara eldegí qoǵamdyq-sayası ózgerísterge jastardyń belsendí qatysuyna múddelí jastar bírlestíkterí men saraptamalyq qauymdastyq ókílderín bíríktírdí.
«Assambleya jastary» RQB tóraǵasy, Konstıtutsıyalyq reforma jóníndegí komıssıyanyń múshesí Tımur Djumurbaev jańa Konstıtutsıya jobasy halyq múddeleríníń shynaıy kórínísí ekenín, jastardy sheshím qabyldau úderísteríne tartuǵa múmkíndík ashatynyn, sondaı-aq jastar ūıymdarynyń jalpyūlttyq dıalogty qalyptastyru men Qazaqstan halqynyń bírlígín nyǵaıtudaǵy rólín kúsheıtetínín atap óttí.
Otyrysqa qatysushylar jańa Konstıtutsıya jobasyn bírauyzdan qoldap, onyń negízgí erejelerín qoǵamdyq talqylauǵa, túsíndíruge jáne bírlík, kelísím men azamattyq jauapkershílík qūndylyqtaryn ílgeríletuge jastar ūıymdarynyń odan árí belsendí qatysuynyń mańyzdylyǵyn atap óttí.
Studenttík qauymdastyqtyń ūstanymyn Studenttík Assambleyalar tóraǵasy Aleksandr Urmashov bayandap, jastar ortasynda konstıtutsıyalyq bastamalardy talqylau sanaly azamattyq ūstanymdy qalyptastyruǵa jáne el bolashaǵy úshín jauapkershílíktí arttyruǵa yqpal etetínín atap óttí.
«Assambleya jastary» RQB BQO ókíldígíníń tóraǵasy Elgun Djanalıev óz sózínde óńírlík jastar qūrylymdarynyń jastar arasynda qūqyqtyq dıalog mádenıetín qalyptastyrudaǵy mańyzdy rólíne nazar audardy.
«Assambleya jastary» RQB Pavlodar oblysyndaǵy ókíldígíníń tóraǵasy Ramıl Smaılov jańa Konstıtutsıya jobasy jastar úshín ǵylym men bílím qūndylyqtaryn ornyqtyrudyń, sondaı-aq adamı kapıtaldy damytudyń jańa múmkíndíkter qalyptastyratyn negízgí platforma retíndegí mańyzyn atap óttí.
Astana qalasy boıynsha «Assambleya jastary» RQB ókíldígíníń tóraǵasy Larısa Pak negízgí qoǵamdyq-sayası reformalardy talqylau barysynda jastardyń ártúrlí toptarynyń píkírín eskeruge múmkíndík beretín ashyq píkírtalastar men ınklyuzıvtí ózara ís-qımyl formattarynyń mańyzyn atap óttí.
Otyrys qorytyndysy boıynsha jańa Konstıtutsıya jobasyn qoldauǵa baǵyttalǵan «Assambleya jastary» RQB-nyń úndeuí qabyldandy.
