Premer-Mınıstr Asqar Mamın qazaqstandyq qurylysshylardy kásibı merekelerimen quttyqtady, dep habarlaıdy Almaty-akshamy.kz Baq.kz-ke silteme jasap.
«Qurmetti qurylys salasynyń qyzmetkerleri! Sizderdi kásibı merekelerińiz – Qurylysshylar kúnimen quttyqtaımyn. Sizderdiń mamandyqtaryńyz - qoǵam ómirindegi eń qurmetti jáne asa suranysqa ıe mamandyq.
Sizder ónerkásiptik jáne áleýmettik nysandar, turǵyn úıler salyp, elimizdiń ınjenerlik jáne kólik ınfraqurylymyn damytýǵa zor úlesterińizdi qosyp kelesizder.
Sizderdiń qajyrly eńbekterińiz turmys sapasyn arttyrýǵa jáne barlyq qazaqstandyqtyń jarqyn bolashaǵyn qamtamasyz etýge jol ashady.
Búginde qurylys sektory - ekonomıkanyń negizgi draıverleriniń biri. Qazaqstannyń áleýmettik-ekonomıkalyq damýynyń aýqymdy mindetterin júzege asyrý sizderdiń kásibı sheberlikterińiz ben óz isterińizge degen súıispenshilikterińizge baılanysty.
Eren eńbekterińiz úshin shynaıy rızashylyǵymdy bildiremin. Qurylys salasynyń barlyq qyzmetkerine zor densaýlyq, shańyraqtaryna shattyq, eńbekterine tolaǵaı tabys tileımin!».