Májílís deputaty Nartaı Sársenǵalıev íshkí íster mınıstrí Erjan Sádenov keıíngí kezdegí eldegí áskerı ahualǵa baılanysty sūraq qoıdy, - dep habarlaıdy aqshamnews.kz tílshísí.
"Byltyr keıíngí úsh jylda 270 sarbaz qaza tapqanyn byltyr aıttym. Bıylǵy qyrkúıektíń ózínde Almatyda áskerge barǵanyna bír apta bolǵan azamat qaza tapty. Odan keıín taǵy bír azamat oqu-jattyǵu jıyndarynda oqqa ūshty. Taǵy bír azamat jūmbaq jaǵdaıda qaza tapty. Áleumettík jelíden kórdík, azammatyń máıítín úıíne aparǵanda anasy áskerı qyzmetkerlerdíń jaǵasynan alyp jatyr", - dedí ol.
Nartaı Aralbaıūly "Qūqyqbūzushylyq profılaktıkasy turaly" jańa zań jobasy būl máselení qalaı sheshetínín sūrady.
"Eshqandaı jańalyq joq. Áuelden bar nárse. Būl áskerdegí zańsyzdyqtardy joımaıtynyna jyldar boıy kózímíz jettí. Áskerdegí zańsyzdyqtardy, Ustavqa qarsy áreketterdí joyatyn,būl máselení sheshudíń tetígí qarastyryldy ma? Álde 17-baptaǵy standartty kúımen shektelemíz be?" - dep sūrady deputat.
Erjan Sádenov deputattyń saualyna jauap berdí:
"Tolyqqandy bárín sheshtík, osymen shektelemíz dep aıtpaımyn. Bírínshí otyrys qoı. Ūsynystar bolsa, qaraıyq. Jalpy Qorǵanys mınıstrlígímen qaradyq".
