Májílís deputaty Ashat Aımaǵambetov áleumettík jelídegí belsendílígíne qatysty jańa sheshím qabyldaǵanyn aıtty , - dep habarlaıdy aqshamnews.kz tílshísí.
Onyń aıtuynsha, būl oıdy úsh jyl boıy tarazylap, áríptesterímen talqylaǵan, barlyq táuekel men múmkíndíktí esepke alǵan. Sonyń nátıjesínde bıyldan bastap jeke YouTube-arnasyn belsendí júrgízíp, kórermenge paıdaly kontent ūsynudy josparlap otyr.
Deputattyń sózínshe, arnanyń basty maqsaty – zańdardy halyqqa túsíníktí, qarapaıym tílmen jetkízu. Yaǵnı jańa zań jobalarynyń ne úshín qajet ekení, azamattarǵa berer paıdasy, sondaı-aq qabyldanǵan normalardyń tájírıbede qalaı íske asatyny ashyq túsíndírílmek.
Aımaǵambetov arna mazmūny tek zań shyǵaru taqyrybymen shektelmeıtínín de atap ótken. Onda:
-
qabyldanǵan zańdardyń oryndalu barysy,
-
partıyalyq baǵdarlamalar ayasyndaǵy jūmystar,
-
óz tájírıbesíne súıengen salalyq taldaular qamtylady.
Taqyryptardy keńírek ashu úshín ol sarapshylar men arnaıy qonaqtardy shaqyrudy kózdep otyr. Qazírdíń ózínde arnada bírqatar arhıvtík materıal bar, al aldaǵy uaqytta jańa vıdeolar tūraqty túrde jarıyalanyp tūrady.