Osydan 10 jyl būryn Aqtóbede bolǵan qandy terakt Qazaqstan qoǵamyn qatty dúr sílkíndírgen edí. Qaru-jaraq dúkenderí men áskerı bólímge jasalǵan shabuyldan keıín sottalǵandardyń bír bólígí ómír boıyna bas bostandyǵynan aıyrylǵan bolatyn, – dep habarlaıdy aqshamnews.kz tílshísí.
Tengrinews.kz málímetínshe, 2016 jylǵy 5 mausymda radıkaldy top Aqtóbede bírneshe bírdeı shabuyl ūıymdastyrǵan. Aldymen olar qaru-jaraq dúkenderíne basyp kíríp, artynsha áskerı bólím aumaǵyna shabuyl jasaǵan. Oqıǵa saldarynan 25 adam qaza tauyp, el boıynsha terrorıstík qauíptílíktíń «sary» deńgeıí engízíldí.
Būl ís boıynsha jalpy 29 adam sotqa tartylǵan. Olardyń íshínde jetí adam ómír boıyna sottalsa, taǵy ekeuí 25 jáne 22 jylǵa bas bostandyǵynan aıyrylǵan.
Tengrinews.kz redaktsıyasynyń resmı saualyna jauap bergen ÍÍM Qylmystyq-atqaru júıesí komıtetí sottalǵandardyń úsheuí – Aıdos Jūbanov, Ashat Imanǵalıev jáne Ashat Rahmetovtíń qaıtys bolǵanyn habarlaǵan.
Qalǵan sottalǵandardyń naqty qaıda ekení, qandaı jūmyspen aınalysyp júrgení turaly málímet jarıya etílmegen.