Aqtóbede jaıaý júrginshiler ótkelinen ótip bara jatqan alty jasar qyz balany kólik qaǵyp ketti. Qazirgi ýaqytta polıseıler jol-kólik oqıǵasy boıynsha tekseris júrgizip jatyr, dep habarlaıdy Aqshamnews.kz tilshisi.
Oblystyq polısıa departamentiniń baspasóz qyzmeti habarlaǵandaı, oqıǵa Mıra dańǵylynda bolǵan. Hyundai markaly avtokóliktiń júrgizýshisi jaıaý júrginshiler jolaǵynan ótip bara jatqan 6 jastaǵy qyzdy qaǵyp ketken.
Oqıǵa sáti áleýmettik jelilerde taraǵan vıdeoda da kórinis tapty.
«Jol-kólik oqıǵasy saldarynan bala túrli dene jaraqattaryn aldy. Ol medısınalyq mekemege jetkizilip, qajetti kómek kórsetildi», – dep málimdedi oblystyq PD baspasóz qyzmeti. Qazirgi kezde polısıa qyzmetkerleri jol apatynyń sebepteri men mán-jaıyn anyqtap jatyr.
Oblystyq densaýlyq saqtaý basqarmasynyń málimetinshe, qyz bala kópsalaly oblystyq balalar aýrýhanasynyń qabyldaý bóliminde tekserýden ótken. Dárigerler onyń aıaq-qolynda sińir sozylýy men syzattar baryn anyqtap, ambýlatorıalyq em taǵaıyndaǵan.