Aqtauda bes qabatty tūrǵyn úıdíń qabyrǵasyna bekítílgen gaz qūbyryna túıe baılap qoıǵan. Jelíde taraǵan vıdeo tūrǵyndar arasynda qyzu talqylanyp jatyr, – dep habarlaıdy aqshamnews.kz tílshísí Lada.kz-ke sílteme jasap.
Aqtau qalalyq ákímdígíníń málímetínshe, jaǵdaıǵa tıístí qyzmetter jedel áreket etken. Tūrǵyn úı-kommunaldyq sharuashylyq bólímí mamandary men uchaskelík polıtsıya ınspektorlary bírlesíp, januardyń ıesín anyqtaǵan.
Oqıǵa 13-shaǵynaudanda, №2 úıdíń mańynda bolǵan. Túıe ıesíne qatysty uákílettí organ ákímshílík aıyppūl salu sharasyn qarastyrǵan.
Januardy ıesí keıín alyp ketken.
Óńírlík polıtsıya departamentí mal ıesíne QR ÁQBtK-níń 408-baby ("Auyl sharuashylyǵy januarlaryn jayu qaǵıdalaryn būzu") boıynsha ákímshílík hattama toltyrylǵanyn aıtty. Būl bapqa sáıkes 3 AEK (12 975 teńge) kólemínde aıyppūl qarastyrylǵan.