Almatydaǵy tūrǵyn úı keshenderíníń bírínde mektep oqushysy mysyqqa qorlyq kórsetken vıdeo áleumettík jelíde tarady. Polıtsıya oqıǵanyń mán-jaıyn anyqtap, kámeletke tolmaǵannyń zańdy ókílíne ákímshílík ís qozǵady, – dep habarlaıdy aqshamnews.kz tílshísí.
Almatyda áleumettík jelíde taraǵan jan túrshígerlík vıdeoǵa baılanysty polıtsıya tekserís júrgízdí. Kadrlarda mektep jasyndaǵy balanyń mysyqqa qatygezdík kórsetkení baıqalady.
Qalalyq polıtsıya departamentíníń málímetínshe, oqıǵa Túrksíb audanyndaǵy tūrǵyn úı keshenderíníń bírínde bolǵan. Tekseru barysynda kámeletke tolmaǵannyń jeke basy anyqtalǵan.
Osydan keıín balanyń zańdy ókílíne tárbıeleu míndetterín tıísínshe oryndamaǵany úshín ákímshílík hattama toltyryldy. Al jasóspírímníń ózí profılaktıkalyq esepke alynyp, onyń otbasymen túsíndíru jūmystary júrgízílgen.
Polıtsıya januarlarǵa qatygezdík kórsetuge jol berílmeıtínín eske saldy. Sondaı-aq mūndaı áreketter úshín Qazaqstan zańnamasyna sáıkes jauapkershílík qarastyrylǵanyn habarlady.