Qazaqstandyq tennısshí Jíbek Qūlambaeva Úndístanda ótíp jatqan ITF W15 turnırínde sáttí óner kórsetíp, jekeleı jáne jūptyq synda jartylaı fınalǵa joldama aldy, – dep habarlaıdy aqshamnews.kz tílshísí.
Qazaqstannyń tennısshísí Jíbek Qūlambaeva Úndístandaǵy ITF W15 sanatyndaǵy turnırde jeńístí jolyn jalǵastyryp jatyr. WTA reıtıngínde 406-orynda tūrǵan sportshy jekeleı de, jūptyq básekede de jartylaı fınalǵa shyqty.
Jekeleı syndaǵy shırek fınalda Qūlambaeva úndístandyq Madhurrı Savantpen kezdesíp, aıqyn basymdyqpen jeńíske jettí. Match 6:1, 6:0 esebímen ayaqtaldy.
Al jūptyq básekede qazaqstandyq tennısshí reseılík Ekaterına Yashınamen bírge óner kórsettí. Ekí sportshy Ūlybrıtanıya ókílí Melıssa Boıden men Malaızıya tennısshísí Elza Vannan qūralǵan jūpty 1 saǵat 5 mınutta jeńdí. Kezdesu barysynda Qazaqstan-Reseı duetí bes breık jasap, óz geımínde bír ret qana osaldyq tanytty. Qorytyndy esep — 6:1, 6:3.
Aıta keteıík, ótken aptada Jíbek Qūlambaeva Nagpur qalasynda ótken dál osy sanattaǵy turnırde jekeleı jáne jūptyq synda top jaryp, absolyuttí chempıon atanǵan edí.