Oblystyq polıtsıyanyń málímetínshe, Hromtau qalasynda qylmystyq orta ókílderí shahterlerdí qorqytyp, kúsh kórsetíp, aqsha bopsalaǵan, – dep habarlaıdy aqshamnews.kz tílshísí.
Alaıda jábírlenushíler būl turaly qūqyq qorǵau organdaryna shaǵym túsírmegen.
Jedel-ízdestíru sharalary barysynda kúdíktíler tolyq anyqtalyp, olardyń áreketíne qatysty naqty dálelder jınalǵan. Sonyń nátıjesínde barlyq qatysushyny bír mezette ūstau operatsıyasy júrgízíldí. 20 sanktsıyalanǵan tíntu kezínde aqsha men ózge de aıǵaq zattar tárkílendí.
Osyndaı zańsyz áreket Aqtóbe qalasynda da anyqtaldy. Mūnda polıtsıya kóńíl kóteru oryndaryn nysanaǵa alǵan bopsalaushylar tobyn áshkereledí. Tergeu málímetíne sáıkes, olar kúsh kórsetu jáne kúzet qyzmetkerleríne qysym jasau arqyly zańsyz «qorǵau» qyzmetín kúshtep tańyp kelgen.
Qazír qylmystyq toptardyń barlyq múshesí ūstalyp, uaqytsha ūstau ızolyatoryna qamaldy. Olardyń osyǵan ūqsas ózge de qylmystarǵa qatysy bar-joǵy tekserílíp jatyr.
Atalǵan derekter boıynsha bopsalau faktísímen qylmystyq íster qozǵaldy. Sonymen qatar zańsyz ūstau jáne bas bostandyǵynan aıyru jaıttary boıynsha da qosymsha tekseru júrgízílíp jatyr.