Amerıkalyq kásípker, mıllıarder Ilon Masktyń aıtuynsha, AQSh qazír "ūly 12 jyldyq kezeńníń" basynda tūr. Ol būl kezeń Donald Tramptyń ekínshí prezıdenttík merzímínen jáne qazírgí vıtse-prezıdent Djeı Dı Venstíń ekí merzímínen (teń 12 jyl) tūrady dep esepteıdí, - dep habarlaıdy aqshamnews.kz tílshísí.
Politico basylymynyń málímetínshe, Mask būl sózín AQSh-tyń memlekettík tıímdílík departamentíníń (DOGE) būrynǵy qyzmetkerlerímen ótken jabyq kezdesude aıtqan. Jınalys turaly aqparatty kezdesuge qatysqan ekí adam jáne oqıǵadan habardar taǵy bír derekkóz rastaǵan, barlyǵy da aty-jónín kórsetpeudí sūraǵan.
Kezdesu 22 qarashada Tehas shtatynyń Bastrop qalasynda ótken. Mask olarǵa beınebaılanys arqyly, qarańǵy árí belgísíz jerden qosylǵan.
Mán-jaı
Jazda Mask pen Tramptyń qarym-qatynasy nasharlap, keıín qaıta qalypqa kelgen. Bíraq bıyl Mask vıtse-prezıdent Djeı Dı Venspen jaqyn jeke baılanys ornatqan. Eger Vens 2028 jyly prezıdenttík saılauǵa tússe, ol Masktíń qoldauymen jeńíske jeter edí.
Būǵan deıín Ilon Mask bes jyldan keıín smartfondar joǵalady dep boljaǵan. Sondaı-aq ol jasandy ıntellekt bolashaqta qoldanushynyń qalauyn aldyn ala "aıtqyzbaı-aq" boljap otyratyn deńgeıge jetedí dep málímdegen.
