AQSh-tyń Kentukkı shtatyndaǵy Luısvıll áuejaıynda UPS logıstıkalyq kompanıyasyna tıesílí MD-11 júk ūshaǵy ūshu kezínde apatqa ūshyrap, kemínde 12 adamnyń qaza bolǵany aıtyldy, dep habarlaıdy Aqshamnews.kz tílshísí BBC-ge sílteme jasap.
Shtat gubernatory Endı Beshır qaza bolǵandar sanynyń ósuí múmkín ekenín aıtty.
AQSh Ūlttyq kólík qauípsízdígí keńesíníń (NTSB) málímetínshe, ūshaq kókke kóteríle bergen sátte sol jaq qozǵaltqyshy janyp, keıín qanatynan ajyrap ketken. Sonyń saldarynan órt shyǵyp, 10-nan astam adam jaraqat aldy.
Būǵan deıín gubernator Beshır aldymen úsh, keıín jetí adamnyń qaza tapqanyn, 11 adamnyń jaralanǵanyn habarlaǵan edí.
UPS kompanıyasy MD-11 bortynda úsh ekıpaj múshesí bolǵanyn rastady.
WLKY telearnasy jarıyalaǵan vıdeoda ūshaqtyń qanaty janyp tūrǵan kúıde áuege kóterílgení baıqalady. Jerge qūlaǵan sátte alyp ot shary paıda bolǵan. Reuters agenttígí apattan keıíngí órt áuejaı mańyndaǵy ónerkásíptík aımaqta bírneshe órt oshaǵynyń tūtanuyna sebep bolǵanyn jazdy.
