AQSh-ta alǵash ret H5N5 shtammyndaǵy qūs tūmauynan adamnyń qaıtys bolǵany tírkeldí, dep habarlaıdy Aqshamnews.kz tílshísí. Būl jaǵdaı Vashıngton shtatynda rastaldy.
Densaulyq saqtau departamentíníń málímetínshe, kóz jūmǵan adam jasy úlken jáne auyr sozylmaly dertterí bolǵan. Būǵan deıín H5N5 shtammy adamdar arasynda kezdespegen.
Nauqastyń úı aulasynda ártúrlí túrdegí úı qūstary ūstalǵany anyqtaldy. Qauípsízdík maqsatynda otbasy músheleríníń derekterí jarıyalanbaı otyr.
Densaulyq saqtau organdary halyqqa qauíp deńgeıí tómen ekenín atap óttí. Patsıentpen baılanysta bolǵan adamdardyń eshqaısysynan vırus anyqtalmaǵan, adamnan adamǵa jūǵu faktílerí de tírkelmegen.
Sońǵy jyldary qūs tūmauy sútkorektíler arasynda da jıí tarala bastaǵan. 2024 jyly AQSh-tyń auyl sharuashylyǵy mınıstrlígí qūs tūmauynyń keıbír januarlarda da anyqtalǵanyn habarlaǵan edí.
CDC deregínshe, AQSh-ta jalpy 70-ten astam adamda jūqtyru jaǵdaıy rastalǵan (Vashıngtondaǵy sońǵy jaǵdaıdy eseptemegende). Kópshílígí auru malmen, qūs fabrıkalarynda nemese jūqtyrylǵan januarlarmen jūmys kezínde ınfektsıya jūqtyrǵan.
ABC News habarlauynsha, kóbíne auru jeńíl sımptomdarmen: kózdíń qyzaruy, dene qyzuynyń kóteríluímen ótken. Alaıda keıbír nauqastarda auyr belgíler baıqalǵan. Būǵan deıín qańtar aıynda AQSh-ta qūs tūmauynan alǵashqy adam ólímí tírkelgen bolatyn — ol da jasy úlken, densaulyǵynda kúrdelí máselelerí bar patsıent edí.
