Densaulyq saqtau mınıstrí Aqmaral Álnazarova qaıtys bolǵannan keıín aǵzalaryn donor retínde paıdalanuǵa kelísímín eGov arqyly tírkegenín málímdedí, dep habarlaıdy aqshamnews.kz tílshísí.
Mınıstr būl sheshímín kópshílík aldynda aıtudy mańyzdy dep sanaıtynyn jazdy. Onyń sózínshe, būl qadamdy qyzmetíne baılanysty emes, jaqyn adamyna bír kúní osyndaı kómek qajet boluy múmkín ekenín túsíngendíkten jasaǵan.
«Qaıtys bolǵannan keıíngí donorlyq – ómír súruge múmkíndígí bar adamdarǵa ómírden ótkennen keıín de kómektesudíń bír joly», – dep jazdy Álnazarova.
Onyń málímetínshe, qazír Qazaqstanda shamamen 184 myń adam qaıtys bolǵannan keıín donor boluǵa kelísímín eGov arqyly tírkegen.
Al transplantatsıyany 4 867 adam kútíp otyr. Onyń íshínde 4 311 adamǵa búırek, 212 adamǵa júrek, 314 adamǵa bauyr, 30 adamǵa ókpe transplantatsıyasy qajet.
Álnazarova qaıtys bolǵannan keıíngí donorlyqty damytu tek densaulyq saqtau júıesíníń míndetí emes ekenín atap óttí. Onyń aıtuynsha, būl másele qoǵamnyń senímíne, ashyq dıalogqa jáne ár adamnyń sanaly sheshímíne baılanysty.