Nutrition jýrnalyna jarıalanǵan zertteý málimetinshe, aptasyna 10 saǵattan asa kompúter oıynymen aınalysý adamnyń, ásirese jastardyń aǵzasyna zıan: uıqyny nasharlatady jáne semizdikke ákep soǵady.
Zertteýge Avstralıanyń 5 ýnıversıtetinen ortasha 20 jastaǵy 317 stýdent qatysqan. Olar úsh topqa bólindi:
Tómen deńgeı – aptasyna 5 saǵat oınaıtyndar;
Ortasha deńgeı – 5-10 saǵat oınaıtyndar;
Belsendi oıynshylar – 10 saǵattan asa oınaıtyn jastar.
Aptasyna 5 saǵat oınaıtyn adamdarmen salystyrǵanda, belsendi oıynshylardyń tamaqtaný sapasy nasharlaǵany, semizdikke dýshar bolǵany anyqtaldy. Úsh toptyń da uıqy sapasy jaqsy emes, al belsendi oıynshylarda edáýir tómen.
Profesor Marıo Sıervo kompúter oıyndarynan bas almaý balanyń durys tamaqtaný, sapaly uıqy, dene qımyly sıaqty jaqsy ádetterinen aıyrady deıdi.
Zertteýshiler kompúter oıynymen shekten tys áýestený densaýlyqqa qaýipti degen túıinge keldi.