AÓSSHK Aǵa laýazymdy tulǵalary komıtetiniń otyrysy ótti
2021 jylǵy 21-23 maýsym aralyǵynda qazaqstandyq tóraǵalyqtyń bastamasy boıynsha Azıadaǵy ózara is-qımyl jáne senim sharalary jónindegi keńestiń (AÓSSHK) Arnaıy jumys toby (AJT) men Aǵa laýazymdy tulǵalar komıtetiniń (ALTK) kezekti otyrystary ótti, dep habarlady Almaty-akshamy.kz QR Syrtqy ister mınıstrliginiń baspasóz qyzmeti taratqan habarǵa silteme jasap.
AJT jáne ALTK otyrystarynda Keńestiń odan ári ınstıtýsıonaldyq damytý, Senim sharalarynyń katalogyn is júzinde iske asyrý, quqyqtyq bazasyn jetildirý, AÓSSHK senim sharalaryn júzege asyrý jónindegi is-sharalardy ótkizý qaǵıdattary máseleleri talqylandy. Sondaı-aq Azıanyń álemdegi jańa róli, jahandyq jáne óńirlik úrdister, AÓSSHK odan ári damý perspektıvalary týraly pikir almasyldy.
ALTK tóraǵasy - Qazaqstan Syrtqy ister mınıstriniń birinshi orynbasary Shahrat Nuryshev óz sózinde AÓSSHK qyzmetiniń aıtarlyqtaı jandanǵany baıqalatynyn qanaǵattanýshylyqpen aıtyp ketti. Atap aıtqanda, ol AÓSSHK İskerlik keńesi men Jastar keńesi basqarmasynyń otyrystarynyń, ekonomıkalyq jáne ekologıalyq ólshemder sheńberindegi birqatar is-sharalardyń, sondaı-aq epıdemıologıalyq qaýipsizdik salasyndaǵy konferensıany qosa alǵanda, jańa syn-qaterler men qaýipterge qarsy kúres salasyndaǵy birqatar is-sharalardyń sátti ótkizilgenin aıtty.
ALTK otyrysy barysynda Túrikmenstanǵa AÓSSHK baqylaýshy mártebesin berý týraly sheshim qabyldandy.
Sonymen qatar, is-shara barysynda BUU Bas hatshysynyń orynbasary - Terorızmge qarsy kúres basqarmasynyń basshysy Vladımır Voronkovtyń Keńes sheńberinde talqylanyp otyrǵan BUU-nyń Jahandyq kontrterrorıstik strategıasyn iske asyrý jónindegi AÓSSHK is-qımyl josparynyń mańyzdylyǵy týraly beıneúndeý jasady.
ALTK otyrysynyń qorytyndysy boıynsha, 2021 jylǵy qazanda ótetin AÓSSHK 6-shy mınıstrlik kezdesýi barysynda bekitý úshin AÓSSHK Danalar keńesi týraly ereje jobasy kelisildi. Budan basqa, ALTK kelesi senim sharalarynda qosa úılestirýshilerdi bekitti: epıdemıologıalyq qaýipsizdik, qoǵamdyq densaýlyqty saqtaý jáne farmasevtıka (Qytaı jáne Iordanıa), kólik dálizderiniń qaýipsiz jáne tıimdi júıeleriniń damýy (Qytaı), zalal apattardy basqarý (Bangladesh) jáne adamı ólshemi (Qytaı).
