Áneldíń jeńísí Qazaqstan qūramasyna osy Oıyndardaǵy ekínshí altyn medaldí ákeldí, dep habarlaıdy aqshamnews.kz tílshísí.
Senegaldyń Dakar qalasynda ótíp jatqan IV jazǵy jasóspírímder Olımpıadasynda qazaqstandyq veloshabandoz Ánel Tashbaı shossedegí velosport jarysynda jeńímpaz atandy. Jeke uaqytqa júru saıysynda ol 11 mınut 32,57 sekund nátıjesímen márege bírínshí bolyp jettí.
Áneldíń jeńísí Qazaqstan qūramasyna osy Oıyndardaǵy ekínshí altyn medaldí ákeldí. Būǵan deıín dzyudoshy Fatıma Sūpyǵalıeva jeńímpaz atanǵan bolatyn. Sondaı-aq trıatlonshy Ramazan Aıgenov el qorjynyna qola medal saldy.
Jas sportshynyń jetístígí qazaqstandyq velosport dástúríníń jalǵasy árí jas buyn sportshylarynyń áleuetín kórsetedí. Qazaqstandyq veloshabandozdar jazǵy Azıya oıyndarynda el tarıhynda barlyǵy 31 medal jeńíp alǵan. 2026 jyly Rınata Sultanova jeke uaqytqa júru saıysynda altyn medal ıelense, Alekseı Lutsenko jeke uaqytqa júru jáne toptyq jarystarda jeńíske jetíp, ekí altyn medal jeńíp aldy. Al Evgenıı Fedorov toptyq jarysta kúmís júldeger atandy.
Sport rezervín dayarlau otandyq sportty damytudyń mańyzdy baǵyttarynyń bírí bolyp qala beredí. Qazaqstanda olımpıadalyq rezervtíń mamandandyrylǵan sport mektepterí men mektep-ınternat-kolledjderí jūmys ísteıdí. Turızm jáne sport mınıstrlígíníń málímetínshe, elímízdegí 14 oblystyq jáne 5 respublıkalyq mamandandyrylǵan mektep-ınternat-kolledjde 6 myńnan astam bala sportpen shūǵyldanady. Velosport ta beıíndí sport mektepterí men sport rezervín dayarlau ūıymdarynda qamtylǵan. Būl jas sportshylardyń kásíbı dayarlyqtan ótíp, túrlí deńgeıdegí jarystarǵa qatysuyna múmkíndík beredí.
Qazaqstan Respublıkasynyń Turızm jáne sport mınıstrlígí Ánel Tashbaı men onyń jattyqtyrushylar qūramyn joǵary jetístígímen qūttyqtaıdy. Jasóspírímder Olımpıadasyndaǵy būl jeńís – sportshynyń ózí úshín de, qazaqstandyq velosport úshín de mańyzdy jetístík árí aldaǵy sporttyq jolyndaǵy úlken beles.