Ońaltu sharalarynyń tıímdílígín arttyru jáne balalarǵa qolaıly jaǵdaı jasau máselelerí qarastyryldy, dep habarlaıdy aqshamnews.kz tílshísí.
Almatyda «Ádílet» partıyasynan qalalyq máslıhat deputattyǵyna kandıdattar «Baldauren» balalardy ońaltu ortalyǵynyń ūjymymen kezdestí. Basqosuda balalardy ońaltu júıesín damytu, mamandandyrylǵan medıtsınalyq kómektíń qoljetímdílígín arttyru jáne otbasylardy áleumettík qoldau máselelerí talqylandy.
Kezdesuge «Ádílet» partıyasynan Almaty qalasy máslıhatynyń deputattyǵyna kandıdattar, Áuezov audandyq saılaualdy shtabynyń múshelerí jáne ortalyq ūjymy qatysty.
Jıyn barysynda partıyanyń densaulyq saqtau jáne áleumettík qorǵau salalaryna qatysty saılaualdy baǵdarlamasynyń negízgí baǵyttary tanystyryldy.
«Baldauren» balalardy ońaltu ortalyǵy balalardyń densaulyǵyn qalpyna keltíruge baǵyttalǵan mamandandyrylǵan qyzmet kórsetedí. Osyǵan baılanysty ońaltu sharalarynyń tıímdílígín arttyru jáne balalarǵa qolaıly jaǵdaı jasau máselelerí qarastyryldy.
«Ádílet» partıyasynan Almaty qalasy máslıhatynyń deputattyǵyna kandıdat Serík Esmatov balalardy ońaltu júıesín jetíldírudíń jáne erekshe qoldaudy qajet etetín otbasylarǵa jaǵdaı jasaudyń mańyzdylyǵyn atap óttí.
«Balalardyń densaulyǵyn qorǵau jáne sapaly medıtsınalyq kómektíń qoljetímdílígín arttyru - «Ádílet» partıyasynyń saılaualdy baǵdarlamasyndaǵy mańyzdy baǵyttardyń bírí. Aldaǵy bes jylda medıtsınalyq mekemelerdí jańǵyrtu, olardyń materıaldyq-tehnıkalyq bazasyn nyǵaıtu, medıtsına mamandaryn qoldau jáne aurulardy erte anyqtau júıesín jetíldíru máseleleríne erekshe nazar audaramyz. Basty maqsatymyz - árbír balanyń sapaly medıtsınalyq kómek aluyna jáne densaulyǵyn qalpyna keltíruíne qolaıly jaǵdaı jasau», - dedí Serík Esmatov.
Kezdesu balalardy ońaltu salasynyń ózektí qajettílíkterín aıqyndauǵa jáne mamandandyrylǵan medıtsınalyq kómektí odan árí damytu máselelerín talqylauǵa múmkíndík berdí.
Daıyndaǵan: «Ádílet» partıyasy Almaty qalalyq fılıalynyń baspasóz qyzmetí.
Tapsyrys berushí: S.V. Kankurov
Almaty qalasy máslıhaty deputattarynyń saılauynda partıyalyq tízímdí ūsynǵan «Ádílet» partıyasy» QB saılau qorynyń qarajatynan tólendí.