Amerıkalyq avto-sayahatshy árí bloger Connor (@camperghini) halyqaralyq avtotur ayasynda Qazaqstanǵa keldí, – dep habarlaıdy aqshamnews.kz tílshísí.
Almatyda ony Kazakh Tourism ūlttyq kompanıyasynyń basqarma tóraǵasy qarsy alyp, qaladaǵy negízgí turıstík nysandarmen tanystyryp, óńírdíń mádenı jáne tabıǵı áleuetín kórsettí.
Sapar barysynda bloger Almaty qalasynyń bírqatar kórnektí oryndaryn aralady. Olardyń qatarynda Voznesensk kafedraldy sobory, Shymbūlaq tau-shańǵy kurorty, Kóktóbe jáne Medeu mūz aıdyny bar. Sonymen qatar, ol óńírdíń etnomádenı mūrasymen jáne turıstík ınfraqūrylymymen tanysty.
Almatydan bólek, Connor Almaty oblysyndaǵy tanymal turıstík baǵyttardy da aralady. Avtotur ayasynda ol Sharyn shatqalynda bolyp, Qazaqstannyń tabıǵı kóríktí jerlerí turaly foto jáne beınematerıaldar túsírdí.
«Qazaqstannyń Turızm jáne sport mınıstrlígíne kórsetken qoldauy úshín úlken alǵysymdy bíldíremín. Ásírese, Talǵatty erekshe atap ótkím keledí. Ol Qazaqstan boıynsha búkíl turdy óte jaqsy ūıymdastyryp, josparlady. Sonyń arqasynda sapar áldeqaıda jaıly árí qyzyqty óttí. Ol óz jūmysyna úlken jauapkershílíkpen qaraıdy jáne íske tolyqtaı berílgen. Kásíbı shańǵyshy bolmasa da, ol marshruttyń barlyq kezeńínde bízben bírge júríp, árdaıym janymyzdan tabyldy», – dep atap óttí bloger óz vıdeosynda.