Memleket basshysynyń tapsyrmalary ayasynda Íshkí íster mınıstrlígí ónerkásíp salasyndaǵy qylmystardyń jolyn kesu jáne bıznestíń múddelerín qorǵau boıynsha jūmys júrgízíp jatyr. 27 sáuírde Qaraǵandy oblysynda polıtsıya qyzmetkerlerí "Qarmet" AQ-da áreket etken qylmystyq toptyń qyzmetín toqtatty, – dep habarlaıdy aqshamnews.kz tílshísí Polisia.kz-ke sílteme jasap.
Kúdíktíler jasyryn alayaqtyq shemalardy qoldanyp jáne kásíporynnyń jekelegen qyzmetkerlerímen sóz baılasa otyryp, jetkízíletín shıkízattaǵy temír qūramynyń kórsetkíshterín qoldan kóteríp otyrǵan.
Kásíporynǵa keltírílgen zalal - shamamen 190 mln teńge. Zańsyz áreketterge qatysy bar 13 adam ūstaldy. Olar - Temírtau qalasynyń tūrǵyndary.
Tíntu barysynda írí kólemde qarajat jáne basqa da zattaı dáleldemeler tárkílendí, sotaldy tergeu júrgízílíp jatyr.
"Qabyldanǵan sharalar qalaqūraushy kásíporynnyń tūraqty jūmysy men tírshílígín qamtamasyz etuge baǵyttalǵan. Būl baǵyttaǵy jūmys jalǵasatyn bolady", - delíngen habarlamada.