Almatyda qalanyń eń tanymal oryndarynyń bírí «Medeu» bıík tauly sport kesheníníń mańynda jańa turıstík nysan ashyldy, – dep habarlaıdy aqshamnews.kz tílshísí.
Medeu Park Hotel tauly aımaqtyń qaq ortasynda qonaq úı qyzmetín, gastronomıyany, ískerlík ınfraqūrylymdy jáne qoǵamdyq keńístíktí bíríktíredí.
Qonaqúıde 90 nómír, úsh konferents-zal jáne banket zaly qarastyrylǵan. Sondaı-aq, mūnda meıramhanalar, bar, karaoke, sharaphana jáne kınoteatr bar.
Joba qonaq úı men qoǵamdyq ınfraqūrylymnyń úılesuímen erekshelenedí. Keshen aumaǵynda qala tūrǵyndary men turıster úshín ashyq seruendeu aımaǵy jasalǵan. Mūnda I’m, Vanilla, Del Papa jáne Chef meıramhanalary men dámhanalary jūmys ístep tūr.
«Medeudíń» mańynda jańa nysannyń ashyluy Almatyǵa taudy tamashalau, belsendí demalys pen qalalyq gastronomıya úshín keletín turısterge jańa múmkíndíkter ūsynady. Endí qalanyń basty turıstík oryndarynyń bírínde seruendep qana qoımaı, qonyp, demaluǵa, sondaı-aq ískerlík jáne oıyn-sauyq ís-sharalaryn ótkízuge múmkíndík bar.
Medeu Park Hotel «Medeu» turıstík klasteríníń jańa nysanyna aınalyp, Almatynyń tauly aımaǵynyń jyl boıǵy turıstík tartymdylyǵyn arttyra tústí.
Medeu Park Hotel «Medeu» turıstík klasteríníń jańa nysandarynyń bíríne aınaldy. Joba Almatynyń tauly aımaǵyn jyl boıy demalys pen turızmge qolaıly baǵyt retínde damytuǵa múmkíndík beredí