Plastıktí qaıta óńdeu úderísín óz kózímen kóruge múmkíndík bolady, dep habarlaıdy aqshamnews.kz tílshísí.
Búgín, 23 qyrkúıekte, Almatydaǵy Central Avenue tūrǵyn úı kesheníníń aulasynda BI Group pen ECO Network ūıymdastyrǵan kóshpelí ekologıyalyq aktsıya ótedí. Būl turaly «Eco Almaty» JShS ókílderí habarlady.
Saǵat 18:00-den 20:00-ge deıín tūrǵyndar plastık qaqpaqtardy jáne bólek jınalǵan basqa da qaıtalama shıkízatty tapsyra alady. Sondaı-aq, plastıktí qaıta óńdeu úderísín óz kózímen kóruge múmkíndík bolady.
Aktsıya alańynda eko-trak, veloshredderler jáne plastıktí balqytuǵa arnalǵan jabdyqtar jūmys ísteıdí. Qatysushylar plastıktí ózderí ūsaqtap, qaıta óńdelgen materıaldan jańa būıymdardyń qalaı jasalatynyn kóre alady.
Tapsyrylǵan qaıtalama shıkízat ólsheníp, ECO Network júıesínde tírkelgen paıdalanushylarǵa econetwork.me qosymshasynda tıístí ūpaı esepteledí.