Jyl basynan berí úsh mekeme jóndeuden óttí, dep habarlaıdy aqshamnews.kz
Nauryzbaı audany ákímíníń apparaty 2025 jyly audandaǵy bírqatar balabaqshany jóndeu úshín qarjy bólgen edí. Sonyń arqasynda mektepke deıíngí mekemelerdíń materıaldyq-tehnıkalyq bazasy nyǵaıtylyp, tárbıelenushíler úshín jaıly árí qauípsíz orta jasaldy.
Búgínde 3 balabaqsha jergílíktí byudjet esebínen jóndeldí. Sonyń nátıjesínde Nauryzbaı audanyndaǵy 575 búldírshín sanıtarlyq jáne bílím beru talaptaryna sáıkes keletín zamanauı balabaqshada tárbıeleníp jatyr.
Mektepke deıíngí bílím beru ınfraqūrylymyn jaqsartu jóníndegí ís-sharalar ayasynda 2025 jyly Nauryzbaı audanyndaǵy úsh balabaqshaǵa jóndeu jūmystary júrgízíldí. Olar «№193 bóbekjaı-balabaqsha», «№45 bóbekjaı-balabaqsha» jáne «№172 bóbekjaı-balabaqsha». Atalǵan balabaqshalardyń íshí árlendí, shatyrlary, esíkterí, edenderí jańartyldy, santehnıkalyq toraby auystyryldy. Balabaqshalar seısmıkalyq tūrǵyda kúsheıtíldí, oryndyqtar qoıylyp, aınalasy qorshalyp, abattandyryldy.
Nauryzbaı audany ákímdígíníń habarlauynsha, júrgízílgen barlyq ís-sharalar mektepke deıíngí mekemelerdíń tárbıelenushílerí úshín qauípsíz, jaıly jáne zamanauı orta qūruǵa baǵyttalǵan.
