Almatynyń Nauryzbaı audany Shūǵyla shaǵynaudanynda №223 jalpy bílím beretín mektep paıdalanuǵa beríldí, – dep habarlaıdy aqshamnews.kz tílshísí.
Būl turaly qalalyq bílím basqarmasynyń ókílderí habarlady.
1000-nan astam oqushyǵa arnalǵan bílím ordasy «Jaıly mektep» («Keleshek mektepterí») ūlttyq jobasy ayasynda salynǵan. Qazír mūnda jaqyn mańdaǵy shaǵynaudandarda tūratyn 1147 bala bílím alyp júr.
Jańa mekteptíń ashyluy qarqyndy damyp kele jatqan audandaǵy oqushy oryndarynyń tapshylyǵyn azaıtuǵa baǵyttalǵan. Sáuír aıynda Nauryzbaı audanynda ekí írí bílím beru nysany íske qosyldy, būǵan deıín №41 mektep ashylǵan bolatyn.
Saltanatty ashylu rásímíne bílím beru salasynyń ókílderí men sala ardagerlerí qatysty.
«Qazírgí tańda mektepte 1147 oqushy oqıdy. Būlar būryn alys mektepterge avtobuspen qatynap júrgen balalar. Endí bízdíń shaǵynaudannyń balalary úı mańynda oqı alady. Búgíngí oqıǵa olardyń mektepke baryp-keluín edáuír jeńíldetedí dep oılaımyn», - dedí mektep dırektory Jeńísgúl Sartaeva.
Oqytu memlekettík tílde júrgízíledí. Qazírgí uaqytta 1-synyptan 10-synypqa deıíngí synyptar jasaqtalǵan, al aldaǵy uaqytta mektep 1-11 synyp aralyǵynda tolyq tsıklde jūmys ísteıdí.
Mektep zamanauı ınfraqūrylymmen jabdyqtalǵan. Atap aıtqanda, oqu kabınetterí, ártúrlí jas toptaryna arnalǵan sport zaldary bar. Sondaı-aq, futbol alańy, basketbol jáne voleıbol alańshalary syndy ashyq alańdar qarastyrylǵan.
Sondaı-aq, jaıly orta qalyptastyruǵa erekshe kóńíl bólíngen. Ǵımarat íshínde jáne mektep aumaǵynda demalys aımaqtary jabdyqtalǵan.
Qala boıynsha 2025 jyly ártúrlí baǵyttaǵy 38 bílím beru nysany salyndy. «Keleshek mektepterí» ūlttyq jobasy ayasynda 34 200 orynǵa arnalǵan 20 mekteptíń qūrylysy josparlanǵan, onyń 12-sí paıdalanuǵa berílíp úlgerdí, qalǵandary jyl sońyna deıín ashylady.
Jańa mektepter zamanauı bílím beru keńístígín qalyptastyryp, sapaly bílímdí úıge jaqyn jerde aluǵa múmkíndík beredí