Nauryzbaı audanynda sońǵy on aıda áleumettík qoldau men jūmyspen qamtu jaǵy eseleníp óstí.
11 myńnan astam adam (2 800 otbasy) adrestík áleumettík kómek alyp, 12 myńnan astam adamǵa bírjolǵy tólemder tólengen, - dep habarlaıdy Aqshamnews.kz.
Sonymen qatar, az qamtylǵan otbasylardy qoldau, balalar men ınklyuzıvtí baǵdarlamalardy damytu, tūrǵyndardy jūmyspen qamtu boıynsha da kóp jūmys ístelíp jatyr. Óńírlík kommunıkatsıyalar qyzmetínde audan ákímí Nazıra Toǵyzbaeva jurnalısterge osylaı dep habarlady.
Jergílíktí byudjetten erekshe qajettílígí bar azamattardy qoldauǵa 60 mln teńge bólíníp, múgedektígí barlarǵa ınnovatsıyalyq arbalar men júríp-tūruǵa arnalǵan qūrylǵylar alyndy. Qazír josparlanǵan 16 qūraldyń 13-í satyp alynǵan. Sonymen qatar, kohlearlyq ımplanttarǵa arnalǵan qyzmetterge 51 mln teńge jūmsalyp, 8 adamǵa kómek kórsetíldí. Jyl sońyna deıín taǵy 6 arba men 6 kohlearlyq ımplant satyp alu josparlanyp otyr.
«Kásípkerlíktí damytu» ūlttyq jobasy ayasynda 3 700 tūrǵyn jūmyspen qamtylyp, olardyń íshínde áleumettík, jastar tájírıbesí, qoǵamdyq jūmystar men tūraqty jūmys oryndaryna ornalastyrqandar da bar.
Áleumettík ortalyqtarda kópbalaly jáne az qamtylǵan áıelder tígín, kosmetologıya, kompyuterlík sauattylyq sıyaqty mamandyqtardy úıreníp, balalar shyǵarmashylyq pen tíl úıírmesíne qatysady. Qart azamattar «Belsendí ūzaq ómír ortalyǵynda» sportpen, bımen jáne shyǵarmashylyqpen aınalysady. «TenQogam» ortalyǵy múmkíndígí shekteulí jandarǵa kompyuterlík daǵdyr, aǵylshyn tílí men kásípkerlík negízín úıretedí.
«DamuBala» baǵdarlamasy ayasynda 4 myńnan astam bala tegín úıírmeler men sport sektsıyalaryna qatysady, baǵdarlamany baqylau men qoldau maqsatynda audan ákímdígí eseptík ís-sharalar ótkízedí.
Audan osylaısha tūrǵyndardy áleumettík qorǵau men damuǵa múmkíndík jasap, bílím men jūmyspen qamtu salasynda keshendí qoldau kórsetíp otyr.
