Almatynyń Jetísu audanynda "Qūlager" medıtsınalyq-sanıtarlyq alǵashqy kómek kórsetu ortalyǵynyń jańa fılıaly saltanatty túrde ashyldy.
Zamanauı medıtsınalyq nysannyń paıdalanuǵa beríluí qalanyń densaulyq saqtau júıesín damytudaǵy mańyzdy qadam árí tūrǵyndarǵa medıtsınalyq kómektíń qoljetímdílígí men sapasyn arttyruǵa baǵyttalǵan.
Medıtsınalyq-sanıtarlyq alǵashqy kómektí tolyqtaı kórsetetín fılıal audan tūrǵyndarynyń qajettílígín eskere otyryp salynǵan.
Mūnda jalpy tájírıbe dárígerlerí men beıíndí mamandar qabyldaıdy, profılaktıkalyq tekseru men vaktsınatsıya jasalady, júktí áıelder men balalar baqylauǵa alynady, sozylmaly aurulary bar nauqastarǵa dınamıkalyq baqylau júrgízíledí, sondaı-aq úı jaǵdaıynda medıtsınalyq kómek kórsetíledí.
Medıtsınalyq ūıym qoldanystaǵy standarttarǵa saı zamanauı qūral-jabdyqtarmen jabdyqtalǵan, būl dál dıagnostıka men tıímdí emdeudí qamtamasyz etuge múmkíndík beredí. Sonymen qatar, múmkíndígí shekteulí jandar úshín de qolaıly árí qoljetímdí jaǵdaı jasalǵan.
Fılıalda tsıfrlyq rentgen, mammograf, zamanauı ultradybystyq zertteu (UDZ) jabdyqtary, LOR jáne oftalmolog kabınetterí, ızolyatorlary bar bólek súzgíler, jeke zerthana men dáríhana jūmys ísteıdí.
LOR kabınetí zamanauı LOR-kombaınmen jabdyqtalǵan, al oftalmolog kabınetí oftalmoskoppen, avtorefraktometrmen, kóz íshílík qysymdy janaspaı ólsheıtín jáne bıomıkroskopıya júrgízuge arnalǵan jabdyqtarmen qamtylǵan.
Akusher-gınekolog dárígeríníń kabınetí zamanauı kópfunktsıonaldy gınekologıyalyq oryndyq, vıdeokolposkop jáne shaǵyn ota júrgízuge arnalǵan elektrokoagulyatormen jabdyqtalǵan. Júktí áıelder úshín medıtsınalyq-sanıtarlyq alǵashqy kómek kórsetu deńgeıínde ūryqtyń jaǵdaıyn jedel baqylauǵa múmkíndík beretín kardıotokografıya júrgízu qarastyrylǵan.
Fılıal qoldanystaǵy medıtsınalyq ūıymdarǵa túsetín júktemení azaıtyp, qabyldaudy kútu uaqytyn qysqartuǵa jáne tūrǵyndardyń tūrǵylyqty jeríne barynsha jaqyn medıtsınalyq kómek kórsetuge múmkíndík beredí.
Qazírgí tańda Jetísu audanynda shamamen 200 myń adam tūrady. Onyń íshínde 135 myń tūrǵyn memlekettík emhanalarǵa tírkelgen, al qalǵandary qalanyń basqa audandaryndaǵy medıtsınalyq ūıymdarda qyzmet alady. "Qūlager" medıtsınalyq-sanıtarlyq alǵashqy kómek kórsetu ortalyǵy fılıalynyń íske qosyluy patsıentterdí qaıta bóludí qamtamasyz etíp, Jetísu audany tūrǵyndary esebínen tírkelgen halyq sanyn kezeń-kezeńímen 15,5 myńnan 30 myń adamǵa deıín arttyruǵa múmkíndík beredí.
Almatyda aldaǵy uaqytta Núsípbekov kóshesí boıynda №1 qalalyq emhananyń fılıalyn, Seríkbaev kóshesínde jańa qalalyq emhanany, Aıbasov pen Sayaly shaǵynaudandarynda ekí dárígerlík ambulatorıyany ashu, sondaı-aq №4 qalalyq klınıkalyq auruhanany qaıta jańǵyrtu josparlanyp otyr.