Almaty qalasynyń ákímí Darhan Satybaldynyń tóraǵalyǵymen Óńírlík ınvestıtsıyalyq shtabtyń XV otyrysy óttí. Jıynda jalpy qūny 210,3 mlrd teńge bolatyn 12 ınvestıtsıyalyq joba qaraldy. Olar júzege asqan kezde shamamen 3 myń jańa jūmys orny ashylady.
Qaralǵan jobalardyń qatarynda qūrylys materıaldaryn shyǵaratyn ındustrıyalyq park, auyz su men susyndar, kondıterlík jáne sanıtarlyq-gıgıenalyq ónímder óndíretín óndírístík keshender, sondaı-aq tsıfrlyq jáne ınteraktıvtí jabdyqtar óndírísín jergílíktendíru bar.
Áleumettík ınfraqūrylymdy damytuǵa baǵyttalǵan jobalarǵa da erekshe nazar audaryldy. Olardyń qatarynda 5 myń oryndyq KAZNU GRAD studenttík kampusy, K-Medical koreılík úlgísí boıynsha salynatyn 200 oryndyq kópbeıíndí smart-auruhana jáne 600 oqushyǵa arnalǵan jalpy bílím beretín mektep bar.
Sondaı-aq, turızm jáne qonaq úı ınfraqūrylymyn damytuǵa baǵyttalǵan jobalar qaraldy. Atap aıtqanda, halyqaralyq Tempo by Hilton brendímen qonaq úıí bar kópfunktsıonaldy keshen, tau bókteríndegí qonaq úı keshení jáne ekoturızmdí damytuǵa arnalǵan demalys aımaǵyn qūru josparlanyp otyr.
Jıyn sońynda ákímdíktíń tıístí basqarmalaryna ınvestorlardyń máselelerín jedel pysyqtau tapsyryldy. Onyń íshínde jer telímderíne, ınfraqūrylymǵa, jerdíń nysanaly maqsatyn ózgertuge jáne rūqsat beru rásímderíne qatysty máseleler bar.