7 myń jumys orny ashylady dep kútilýde.
Qalanyń ındýstrıaldy aımaǵynyń dırektory Ádil Amralın Óńirlik komýnıkasıalar qyzmetinde ótken brıfıńte qoldanystaǵy jobalar týraly aıtty, dep habarlaıdy Almaty-akshamy.kz.
Atap aıtqanda, «SK Rahat» avtoklavty gazobeton óndiretin jańa zaýyttyń qyzmetine toqtaldy.
Ádil Amralınniń aıtýynsha, Óńirlik úılestirý keńesiniń (ÓÚK) sońǵy otyrysynda «Rahat SK» avtoklavty gazobeton óndirý zaýyty jobasynyń parametrlerine ózgerister engizilgen.
«Investordyń suraýy boıynsha kásiporyn shyǵarylatyn ónimniń assortımentin keńeıtip, gaz bloktarmen qatar Color Mix brýschatkasyn, trotýar plıtalaryn, qaptaýysh kirpishterdi, dekoratıvti bloktardy, qabyrǵa panelderi men bloktardy óndiretin bolady. Tolyqtyrýlardy engizý óndiriske ınvestısıalardy 1,8 mlrd teńgege arttyrady», – dedi Almaty ındýstrıaldy aımaǵynyń dırektory.
Búginde jańa jobalardy eskere otyryp, 62 kompanıa ındýstrıaldy aımaqtyń qatysýshylary. Iaǵnı 241 mlrd teńgege 7 myń jumys orny ashylady dep kútilýde.
Spıkerdiń aıtýynsha, 2020 jyly Almaty ındýstrıaldy aımaǵynyń rezıdent kásiporyndary 4,2 mlrd teńge salyq tólegen.
Osy jyly 245 jumys ornyn qurýmen 13,8 mlrd. teńgege úsh joba iske qosyldy (KMK Investment – ekinshi kezeń, «Rahat» SK, «G. S. G. Vysotnık»), sondaı-aq 1,5 myń sh. m. óndiristik alańdardy qurýmen shaǵyn ónerkásiptik park (ADS Industries) iske qosyldy.
Barlyǵy 16 joba iske asyryldy (BRB APK, Almapack, DOC Co.LTD, TOKYO ROPE ALMATY, KMK Investment - birinshi jáne ekinshi kezeńder, KazTigerTape, «ENKO», ASSET, «Tehnovıd», «MPZ Bıjan», «DorHan-Almaty, «Almerek», Hyundai Trans Kazakhstan, «Rahat SK», «G.S. G. Vysotnık») jalpy somasy 77,4 mlrd teńgeni qurady. 154,9 mlrd teńge kóleminde ónim óndirildi. 81,5 ga aýmaq qamtyldy, 2 593 jumys orny quryldy.
Ádil Amralın 2021 jyldyń sońyna deıin taǵy jeti jobanyń salynatynyn aıtty. Olar «Qaz-Dıa-Test», City Stone, «Álem Tynysy», Asia steel Pipe corporation, «Elektrobar», Valtherm, Technokont, jalpy somasy 37,8 mlrd teńgeni quraıdy. 658 jumys ornyn qamtıdy. Sondaı-aq bıyl ındýstrıaldy aımaqta tórt ónerkásiptik parkti iske qosý josparlanýda.
2025 jylǵa deıin ındýstrıalyq aımaqta jalpy ınvestısıa somasy 111,95 mlrd teńgege 34 ınvestısıalyq jobany iske asyrý josparlanyp otyr. Sondaı-aq qosymsha 3 294 jumys ornyn ashýǵa múmkindik beredi.
Eske salsaq, Almaty ındýstrıaldy aýmaǵynyń jalpy aýdany 490 ga quraıdy, onyń 326 ga aýmaǵy paıdaly aımaqqa jatady, ınfraqurylymǵa taǵy 164 ga jer bólingen. Búgingi kúni ınvestısıalyq jobalardy iske asyrý úshin 251,5 ga jer berilgen, 74,5 ga aýmaq ázirge bos tur.