Qazaqstan Respublıkasynyń jańa Konstıtutsıyasy jobasy boıynsha búkílhalyqtyq dauys beru kúní el damuy úshín mańyzdy kezeń bolmaq. Osyǵan oraı Almaty qalasynyń azamattyq qoǵam ókílderí respublıkalyq referendum ótkízu turaly sheshímdí bír auyzdan qoldap, būl qadam Qazaqstan tarıhynda jańa paraq ashatynyn atap óttí, dep habarlaıdy Aqshamnews.kz tílshísí.
Azamattyq qoǵam ókílderíníń píkírínshe, búkílhalyqtyq dauys beru memleket pen qoǵam arasyndaǵy qoǵamdyq kelísímdí nyǵaıtuǵa, damudyń ortaq maqsattaryn naqtylauǵa jáne azamattyq qoǵamnyń rólín arttyruǵa baǵyttalǵan mańyzdy tetík.
Olar jańa Konstıtutsıya jobasyn qoǵam talqysyna shyǵaru ashyqtyq pen jauapkershílíktí kúsheıtíp, azamattardyń el bolashaǵyna qatysty sheshím qabyldau úderísíne tíkeleı qatysuyna múmkíndík beretínín aıtty.
Sonymen qatar Almatydaǵy qoǵamdyq ūıymdar men belsendí azamattar referendumnyń eldíń sayası jańǵyruyna serpín beríp, qoǵamdaǵy bírlík pen kelísímdí bekemdeı túsetíníne sením bíldírdí.
