Almatynyń Áýezov aýdanynyń 8-shaǵynaýdanynda, Altynsarın kóshesiniń boıyndaǵy №37 úıdiń janynda buryn bos turǵan jer abattandyryldy. Bul týraly aýdan ákimdigi habarlady.
Joba «Sultan qurylys» JSHS merdiger uıymy arqyly 2025 jylǵy «Halyq qatysatyn búdjet» baǵdarlamasy aıasynda júzege asty.
Júrgizilgen jumystyń nátıjesinde bos jatqan aýmaqta turǵyndardyń serýendeýine jáne demalýyna arnalǵan jańa skver salyndy.
Abattandyrý barysynda jańa asfált jáne jaıaý júrginshi joly tóselip, 27 zamanaýı sham, shaǵyn sáýlettik nysandar ornatyldy. Onyń qatarynda oryndyqtar, 16 metrlik oryndyq jáne átkenshekti pergola bar. Jasyl jelek úshin 180-nen astam aǵash pen buta otyrǵyzyldy, 110 sharshy metrlik alpilik tóbe, kógal men jasyl sharbaq jasaldy. Ósimdikterge kútim jasaý úshin avtomatty sýarý júıesi ornatyldy.
«Bul skver – turǵyndar bastamasy men memlekettiń qoldaýynyń arqasynda bos aýmaqtardyń jaıly qoǵamdyq keńistikke aınalyp jatqanyn kórsetetin jarqyn mysal», – dedi aýdan ákimdiginde.