Almaty oblysynda aqyly eki jol ýchaskesi bar.
«QazAvtoJol» kompanıasy «Almaty-Qorǵas» aqyly joly kúnine qansha qarajat túsetini jáne onyń qaıda jumsalatynyn jarıalady, dep habarlaıdy Almaty-akshamy.kz QR IIDM baspasóz qyzmetine silteme jasap.
Kompanıanyń málimetinshe, Almaty oblysynda aqyly eki jol ýchaskesi bar. Olar - «Almaty-SHelek-Qorǵas» jáne «Almaty-Qapshaǵaı-Taldyqorǵan» joly. Bul joldar júk kólikteriniń júktemesine tótep berý úshin betonnan jasalǵan. «QazAvtoJol» JSHS-nyń «Almaty-Qorǵas» aqyly jol bóliginiń basshysy Marat Syrymbaı bul baǵytta júretin kólikten kúnine 1 mln 400 myń teńgege jýyq qarajat túsetinin aıtady.
«Almaty-Qorǵas» aqyly tas joly 2018 jyly paıdalanýǵa berilgen. 295 shaqyrymdy tas jol birinshi dárejeli 1B jolyna jatady. Kúnine 400 myńnan astam kólik júredi. Aqyly joldyń tarıfi 1-25 teńge aralyǵynda. Jeńil kólikter 1 shaqyrymǵa 1 teńge tólese, júk kólikterine baǵa basqasha. Aqyly joldyń osy aýmaǵynan kúnine 1 mln 400 myń teńge qarajat túsedi», - deıdi ol.
Marat Syrymbaı joldyń búlingen bóligin lezde jóndep, qysta qardan tazartyp, taıǵaq jerge qum sebiletinin aıtady.
«Kólikten túsken qarajat joldy jóndeýge, ony qalypty jaǵdaıda ustap turýǵa jumsalady. Bıyl 1200 sharshy metr aýmaqqa ortasha jóndeý jumysy jasaldy. 317 sharshy metr aýmaqta joldyń jaryǵy biteldi. Sondaı-aq 616 sharshy metr aýmaqty quraıtyn asfált betonyna jóndeý jumysy júrip jatyr. Jaqynda kúnniń qatty ysýynan tórt jerde beton kóterilip ketti. Ony sol kúni qaıta jóndedik. Bul jol Qytaıǵa aparatyndyqtan, ásirese, júk kólikteri paıdalanady. Alaıda pandemıa bastalǵaly kólik aǵyny azaıdy. Betonnan jasalǵan jol aýyr júkke shydamdy», - deıdi joldyń basshysy.