Almaly audanynda tórt júrgínshíler aımaǵy men Balalar men jasóspírímder teatry aldyndaǵy skverdí kórkeıtu jūmystary jalǵasuda, – dep habarlaıdy aqshamnews.kz tílshísí.
Būl turaly audan ákímdígíníń ókílderí aıtty.
Jūmystar Panfılov kóshesínde Raıymbek dańǵylynan Jíbek joly kóshesíne deıín, Qarasaı batyr kóshesínde Nauryzbaı batyr kóshesínen Masanshy kóshesíne deıín, Chaıkovskıı kóshesínde Qazybek bı kóshesínen Áıteke bı kóshesíne deıín, sondaı-aq Gagarın dańǵylynda Abaı dańǵylynan Qabanbaı batyr kóshesíne deıíngí uchaskelerdí qamtıdy.
Atalǵan aumaqtarda kógaldandyru, kópjyldyq būtalar egu, trotuardy jaryqtandyru, tamshylatyp jáne avtomatty suaru júıelerín ornatu kózdelgen.
Būǵan qosa, Balalar men jasóspírímder teatry aldyndaǵy skverdí kúrdelí jóndeu men kógaldandyru jūmystary bastaldy. Jobalardyń maqsaty – tūrǵyndar úshín jaıly júrgínshíler keńístígín qalyptastyryp, audannyń qoǵamdyq oryndaryn jańartu.