Íshkí íster mınıstrlígí búgín ata-analar men balalarǵa úndeu jasady, – dep habarlaıdy aqshamnews.kz tílshísí.
Vedomstvonyń aıtuynsha, keıde balanyń oılanbaı jasaǵan áreketí men auyr jaǵdaıdyń arasy bírneshe sekund qana boluy múmkín. "Júgíríp ótíp úlgeremín", "Jaı ǵana qorqytqym keldí", "Ol maǵan tıístí, sondyqtan jauap qaıtaruym kerek boldy" degen sátte eshkím onyń nemen ayaqtalatynyn oılaı bermeıdí.
Alaıda kólík bírden toqtaı almaıdy. Janjal da áp-sátte baqylaudan shyǵyp ketuí múmkín. Al qolǵa "jaı ǵana" alynǵan zat qarapaıym kıkíljíńdí qaıǵyly jaǵdaıǵa ūlastyruy yqtımal. Keıín sol bír sekundty kerí qaıtaryp, basqasha áreket etu múmkín bolmaıdy.
"ÍÍM eske salady: kúsh degenímíz – táuekelge baru, jauap retínde soqqy beru nemese ózíńníń dūrys ekeníńdí dáleldeu emes. Naǵyz kúsh – der kezínde toqtaı bílu, shegínu, arandatuǵa ermeu jáne óz áreketíńníń saldaryn oılau", – delíngen mınıstrlíktíń úndeuínde.
Ata-analarǵa myna jaıttarǵa kóńíl bólu ūsynylady:
balalarmen osyndaı jaǵdaılardy jıí talqylau;
ne ísteuge bolmaıtynyn túsíndírumen qatar, onyń yqtımal saldaryn aıtu;
emotsıyaǵa berílmeı tūryp sheshím qabyldauǵa úıretu;
balanyń kímdermen aralasatynyn bílu, kóńíl kúıíne qyzyǵushylyq tanytu jáne ózímen bírge qandaı zattar alyp júretíníne nazar audaru.
"Eger qandaı da bír másele tuyndasa, jaǵdaıdy jasyrmaı, der kezínde kómekke júgínu mańyzdy", – dep tolyqtyrdy vedomstvo ókílderí.
ÍÍM ókílderíníń aıtuynsha, bírneshe sekund íshínde qabyldanǵan dūrys sheshím densaulyqty, bolashaqty, típtí ómírdí saqtap qaluy múmkín.
Oqu jyly bastalar aldynda mınıstrlík ata-analar men pedagogterdí balalardyń qauípsízdígíne erekshe kóńíl bólíp, túsíndíru jūmystaryn júrgízuge shaqyrǵan edí. Al sabaq bastalǵannan keıín vedomstvo mektep oqushylary beınelengen, jelíde taraǵan kadrlarǵa nazar audardy: bír vıdeoda balalar oqu ornynyń íshínde samokat tepse, ekínshísínde sabaqtan qashyp júrgení kóríngen. Keıín būl oqıǵalardyń Qazaqstanda bolmaǵany anyqtaldy.