Alataý aýdanynda bıyl «Halyq qatysatyn búdjet» baǵdarlamasy boıynsha biraz dúnıe qolǵa alyndy. Aýdan ákimi Danıar Qyryqbaev Óńirlik komýnıkasıalar alańynda iriktelgen 50 joba maquldanǵanyn aıtty, dep habarlaıdy aqshamnews.kz
Jobalar qalalyq ortany abattandyrýdyń negizgi baǵytyn qamtıdy. Atap aıtqanda:
- jańartý men abattandyrý jumystary júrgizilgen 16 aýla;
- turǵyndardyń ótinishi boıynsha jasalǵan 31 qoǵamdyq keńistik;
- keshki ýaqytta qaýipsizdikti aıtarlyqtaı arttyrǵan kóshe jaryǵyn jańǵyrtýǵa arnalǵan 3 joba.
Bul jumys qaladaǵy birneshe úlken turǵylyqty jaı men kólik jolynyń boıynda júzege asyryldy. Atap aıtqanda, Qarasý, Aqbýlak, Saıaly, Zerdeli shaǵynaýdandarynda, sondaı-aq Rysqulov dańǵyly men Baýyrjan Momyshuly kóshesiniń boıyn abattandyryp shyqty.
Aýdan ákiminiń aıtýynsha, «Halyq qatysatyn búdjet» baǵdarlamasy turǵyndarǵa qalalyq ınfraqurylymdy damytýǵa atsalysýǵa múmkindik beretin eń suranysqa ıe tetiktiń biri bolyp qalyp otyr. Bıyl jańa alańdar salynyp, jaryq berilip, aýlasy jaıly bola túsip, almatylyqtardyń ómir sapasyn jaqsartýǵa baǵyttalǵan baǵdarlamanyń paıdaly ekenin kórsetken.