Profılaktıkalyq jūmys shamamen 600 úıdí qamtydy, dep habarlaıdy aqshamnews.kz tílshísí.
Jańa jylytu mausymynyń qarsańynda Almatynyń TJD qyzmetkerlerí úı-úıdí aralap, kómírtek totyǵy datchıgín ornatyp, tūrǵyndarǵa pesh pen jylu qūrylǵylaryn paıdalanudyń erejesín túsíndíre bastady. Ásírese qatty otynmen jylıtyn úıler men eskí qūrylystarǵa kóp kóńíl bólgen. Almaty qalasynyń TJD Órt qauípsízdígí basqarmasynyń bastyǵy, azamattyq qorǵau podpolkovnıgí Konstantın Kanın Óńírlík kommunıkatsıyalar qyzmetínde osy kún suytatyn kezge ózderíníń qalaı qamdanyp jatqandaryn bayandap berdí.
Ótken jylytu mausymynda tūrǵyn úılerde 194 órt tírkelíp, tórt adam jaraqat alǵan. Tabıǵı jáne kómírtek totyǵynan ulanǵan segíz adam zardap shegíptí. Jeke úılerdíń bírínde qatty otyn jaqqan pesh dūrys tartpaǵandyqtan ekí balaǵa ıís tıíp qalǵan.
Órtke negízínen kóbínese tozǵan elektr jabdyǵy, sondaı-aq peshtí ornatu men paıdalanu talabynyń būzyluy sebep bolǵan. Qūtqarushylar otpen abaısyz jūmys ísteu men tūrmystyq elektr qūrylǵylaryn dūrys paıdalanbaudy da órttíń taǵy bír sebebí retínde atap otyr. Konstantın Kanınníń aıtuynsha, júrgízílíp jatqan aralau men túsíndíru jūmysy osyndaı qauíp-qaterdí azaıtuǵa yqpal etedí, alaıda kóp nárse tūrǵyndardyń ózíne de baılanysty.
«Júrgízílgen profılaktıkalyq ís-sharalardyń arqasynda ótken jylǵy osy uaqytpen salystyrǵanda órt kezínde jaraqat alǵandar men qaza tapqandardyń sany azaıdy. Sonymen qatar azamattar barynsha saq bolyp, osy kezde órt qauípsízdígíne kóp kóńíl bóluí kerek», – dedí Konstantın Kanın.
Qazír TJD qyzmetkerlerí ákímdík ókílderímen, polıtsıya jáne eríktílermen bírlesíp, aulalardy aralap, tūrǵyndarǵa túsíndíru jūmysyn júrgízíp jatyr. Profılaktıkalyq jūmys shamamen 600 úıdí qamtyp, 50-ge juyq kómírtek totyǵy datchıgí ornatyldy. Kópfunktsıonaldy tūrǵyn úı keshenínde tūratyn shamamen myń tūrǵynǵa da qauípsízdík erejesín jan-jaqty túsíndíríp qaıtty.
Kómekke mūqtaj tūrǵyndarǵa ótken jyly peshín jóndep, elektrmen jabdyqtau júıesín retke keltíruge kómek kórsetílíp, mūrjasy tazartyldy, kómír men otyn beríldí. Jalpy, 2018 jyldan berí qala men audan ákímdígíníń qoldauymen jeke úılerge 1 749 kómírtek totyǵy datchıgí ornatylǵan. Qala tūrǵyndaryna qauípsízdík sharalary turaly SMS habarlamalar, oqytu beınerolıkterí men Telegram-bot arqyly da eskertíp otyrady.
Úıín álí kúnge deıín peshpen jylytatyn tūrǵyndarǵa mamandar mūrjany tekseríp, peshtíń aınalasyn rettep aludy ūsynady.
«Jylytu kezeńínde mūrjany kemínde ekí aıda bír ret kúıeden tazalap otyryńyzdar. Peshtí qatty qyzdyrmańyzdar, janyna jıhaz ben tez tūtanatyn basqa da zatty jaqyn qoımańyzdar. Gazben jabdyqtalǵan peshtí paıdalandyń nūsqaulyǵyn qatań saqtańyzdar. Sondaı-aq elektr jylytu qūrylǵysyn paıdalanu elektr symyna túsetín júktemení arttyratynyn este ūstaǵan jón. Osyǵan baılanysty elektr symynyń jaǵdaıyn únemí tekseríp otyru qajet. Órt bolǵan jaǵdaıda dereu 101 men 112 nómíríne qońyrau shalyńyzdar», – dedí Almaty qalasy TJD Órt qauípsízdígí basqarmasynyń bas mamany, azamattyq qorǵau podpolkovnıgí Aqtynys Áltebaeva.